Kult.az حبیب ساهیرین "من‌دن سلام دئیین گؤزل تبریزه" شعیرینی تقدیم ائدیر:

شفقلرده اوچان آخشام قوشلاری
من‌دن سلام دئیین گؤزل تبریز'ا
قاتار ایله گئدن وطنه ساری
آرخاداشلار، بیر باش وورون دا بیزه

آچین منیم تاختا سینیق قاپی‌می
گؤرون عزیز آنام یولدان گلدی می
اوشاقلاریم گؤرون اونوتموش غمی
یوخسا اؤلوم آجلیق وئریب دیز دیزه

بیراخمایین ائویم نمدن چوروسون
قویون صبا توزلارینی سوپورسون
قیزیل گولون نورو اونو بوروسون
توخونمایین بنؤوشه‌یه، نرگیسه

دومان چؤکوب اوفوقلاری قارالتدی
منه غربت بیر جهنم یاراتدی
خزان یئلی باخچامیزی سارالتدی
داها نلر دئییم دوستلار من سیزه