آنا صحیفه ادبیات |
بیر مئشهده ایکی اودونچو آغاج کسیرمیش. بیرینجی اودونچو سحر ائرکهندن قالخیر، آغاج کسمهیه باشلاییرمیش، بیر آغاجی کسیب درحال دیگرینه کئچیرمیش.
گون بویونجا، استراحت ائتمک اوچون و گونورتا یئمیی اوچون اؤزونه واخت آییرمیرمیش. آخشاملاری دا اودونچو یولداشیندان بیر نئچه ساعت سونرا آغاج کسمیی بوراخیب ائوینه داها گئج گئدیرمیش. ایکینجی اودونچو ایسه آرادا بیر استراحت ائدیر و هاوا قارالماغا باشلادیغیندا ائوینه دؤنورموش. بیر هفته بویونجا کیم داها چوخ آغاج کسر دئمیشلر، بو گرگینلیکده ایشلدیکدن سونرا نه قدر آغاج کسدیکلرینی سایماغا باشلامیشلار.
نتیجه: ایکینجی مئشه بیی چوخ داها چوخ آغاج کسمیشدی. ان چوخ آغاجی اؤزونون کسدیینی دوشونهن بیرینجی اودونچو چوخ چاشمیشدی:
- بو نئجه اولا بیلر؟ من داها چوخ ایشلدیم. سندن داها ائرکن آغاج کسمهیه باشلادیم، سندن داها گئج ائویمه دؤندوم. اما سن داها چوخ آغاج کسدین. بونو نئجه باجاردین، سیررین ندیر؟
ایکینجی مئشه بیی تبسمله جواب وئرمیشدی:
- بیر سیرریم یوخدو. سن استراحت ائتمهدن ایشلیرکن من بیر نئچه آغاج کسدیکدن سونرا هم استراحت ائدیردیم هم ده بالتامی ایتیلییردیم. ایتی بالتاملا، داها آز سعیله، داها چوخ آغاج کسدیم.
اؤزوموزه، سئودیکلریمیزه زامان آییرماق، اؤزوموزو اینکیشاف ائتدیرمک، معلومات باجاریقلاریمیزی آرتیرماق، بالتامیزی ایتیلهمکدیر. موفقیته چاتماق اوچون تک یول چوخ چالیشماق دئییل یوکسک معلومات، باجاریق صاحبی اولوب محصولدار چالیشماقدیر.
تاریخ
2019.02.15 / 11:33
|
مولف
آیتاج آراز
|