یوخاری

....حکایه‌ - ایتین گؤزل‌لییندن، اینجه سسینین قولاق اینجیتمه‌مزلییندن

آنا صحیفه ادبیات
12 Punto 14 Punto 16 Punto 18 Punto

Kult.az ایسمایل خرمینین ادب ارکان‌لی ایتیمیز آدلی حکایه‌سینی تقدیم ائدیر:

نئچه واخت ایدی، حئیوانچیلیق صنعتی اوزره، عایله‌وی چالیشیردیق. ایل‌لرجه گؤزله‌یه‌ندن سونرا ایندیلر قازانماغا باشلامیشدیق. یاخشی گلریمیز واریدی. یاواش – یاواش ائیری - اسگییمیزی بونون گلیری ایله دولدوروردوق. حئیوانلارین گوونلی‌یی اوچون بیر ایت ساخلاییردیق. بو ایت، چوخ چالیشقان و یورولمایان ایدی. اؤز ایشینی تام دوزگونجه‌سینه، یئرینه یئتیریردی. آخی بو ایت یاخشی گودوک‌چو ایدی. ایندیه‌دک واختسیز و یئرسیز هورمه‌یین گؤرمه‌میشدیم. من‌ده اوندان اینجیک دئییل‌دیم. آمما، قونشولارین، قوهوملارین و موشتری‌لرین چوخو بو ایتدن اینجیکلی‌دیلر. اونلارین دئدیکلریندن بئله بللی اولوردو کی، بیرینین یوخوسونو قاچیردیر، باشقاسینین اوستونه هورور و آیری‌سینین مال حئیوانلارینی هورکودور.

قونشونون بیری قاباغیمی کسیب دئدی: « سیزین بو ایت یامان قوجالیب. آغزین آچیر، بوتون گلن - گئدنه هورور.» باشقاسی باشقا جوره گیلئیله‌نه‌رک: « سنون یئرینه اولسام بو ایتی آزدیرارام.» دئییردی. هامی ال – اله وئرمیشدی، بو ایتی آزدیرسین. اوتلا سویون آراسیندا قالمیشدیم. بو ایت منیم ایشیمه یاراییرسا! ندن آزدیریم؟ هامی بیلیر، ایتین ایشی اؤزگه‌یه هورمک‌دیر. اؤزگه‌نین اجازه‌سی اولمادان بیزیم ایش یئریمیزده نه ایشی وار؟ بیزدن سوت آلان بیر موشتری بیزیم ایتیمیزدن داها چوخ اینجیکلی ایدی. آرادا بیر – ایکی کره دئمیشدی، اگر ایتی آزدیرماساق، بیزدن سوت آلمایاجاق. بودا بیزی چوخ پیس گونه قویاردی. دئمک اولار کی، بو موشتری، سوتون لاپ چوخونو آلیردی. و الیمیز دارا دوشنده، بو کیشی‌دن ال بورجو دا آلیردیق. دوزدو آرتیقلاماسی ایله بورجونو واختیندا اؤده‌ییردیک. آمما دییه‌سن، ایتی آزدیرماقدان باشقا سئچیم یوخ ایدی.

ایتی آزدیراندان سونرا، اینجیکلی دوسلار، هره‌سی اؤزل اؤنرلرینی وئردیلر. قوهوملارین بیری، اونو گؤزتچی کیمی ایشه آلماغیمدان، دانیشیردی. قونشوموز، منه اورک وئره‌رک بوردا هئچ نه اولماز آرتیق خرجه دوشمه‌ییمدن نگران ایدی. آمما سوت موشتری‌میز، تانیشلاریندا اولان، بیر باشقا ایتدن سؤز آچدی. ایتین گؤزل‌لییندن، اینجه سسینین قولاق اینجیتمه‌مزلییندن، گول کیمی ال – آیاغیندان، جئیران باخیشلی گؤزلریندن، یاراشیقلی دوروشوغوندان و ادب ارکان بیلمه‌یندن دانیشدی. اونون تاپشیریغینی یئرینه یئتیرمه‌لی اولدوم. ایتین گتیریلمه‌یینی ایسته دیم بیر – ایکی گون کئچمیشدی، ایتی گتیردیلر. سوتجو قارداش دئدیی کیمی چوخ یاراشیقلی بیر ایت ایدی.. جئیران بالاسینا اوخشاییردی. نازلانا – نازلانا، اویان – بویانا قاچیردی. اوشاقلار واخت تاپاندا اونونلا اویناییردیلار. دئمک اولاردی کی بیزلر اونونلا، اودا بیزیمله چوخ تئز دیل تاپدی. بیر - ایکی گون کئچدی. هامی بو ایتدن راضی ایدیلر. هر کس ایتی گؤروردو، آز قالیردی اونو باغرینا باسا. سسیندن خوشلاری گلدیکده، اونو تئز – تئز هوردورمک ایسته‌ییردیلر. هامیلا تانیش اولموشدو. دیل بیلسه ایدی بیر – بیر هامینی اؤز آدیلا چاغیراردی. بیر هفته کئچدی. سحر – سحر یوخودان دوروب مال قارانین یئمین تؤکمک ایسته‌ینده، اؤتوز اینک‌دن بیری‌ده یئرینده یوخ ایدی.

تاریخ
2019.02.23 / 21:22
مولف
آینورا مممدووا
شرح لر
دیگر خبرلر

آرامیزی کسدی آراز، ناله چکدی، دیلله‌ندی ساز – شعیر

۵۰۰-جو ایلدؤنوم: «شاه اسماعیل»این خصوصی بوراخیلیشی چیخدی

کؤنلوم قوشو قاناد چالماز سن‌سیز بیر آن، آذربایجان-شعیر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

خبر خطّی
Axar.az'da reklam Bağla
Reklam
Bize yazin Bağla