Kult.az گونئی‌لی شاعر ائلدار موغانلینین اوستاد حبیب ساهرین اؤلومونه اتحاف ائتدیی "یاریمچیق سؤز" شعرینی تقدیم ائدیر:

کؤلگه‌لر سریلیب شهرین اوستونه
اوره‌یی ایرینلی، گؤزو کینلی
نفسینده ظولمت قوخوسو
سسینده گئجه قورخوسو …
قینیندا گیزله نیب سایریشان اولدوزلار
آیین جانیندا قیزدیرما وار…

کؤلگه‌لر سریلیب شهرین اوستونه
کوچه‌لرین سینه‌سینده دؤیونور دیسکینتی‌لر
ائولرین اوستونه یاغیر تنهالیق
پنجره لرده تور قورور هؤرومجک‌لر،
مورگوله‌ییر شهر …
کؤلگه لی دیر زامان، گؤی، یئر؛
دووارلار آرخاسیندا
چیلپاق قالمیش آرزی کیتابینی
واراقلاییر شاعر؛
کؤلگه‌لی دیر کیتاب ‌دا، واراق دا، اوتاق دا …

کؤلگه‌لر سریلیب شهرین اوستونه ….
اوره یینده یاز یاغیشی نین‌هاواسی
باخیشیندا سئوگیلی‌لر پیچیلتیسی
گوموشو ساچلاریندا
دولاشارکن آیریلیق نسیمی
«من بو جهانه سیغمازام»- دئیه
قانادلانیر سحره دوغرو …
دالغاسیز بایراق کیمی
آسیلی قالیر ائیواندان
بارماقلاری دویونلو
گؤزلری سحرین پنجره سینه تیکیلی
آغزی آچیق
سؤزو یاریمچیق؛
بوغازیندا دویونله‌نن «آه» سؤزومو
یوخسا » آ ز ا . . .» ؟

آذر – ۱۳۷۶ – تهران