آوسترالییا وطنداشلارینا چاغیریش ائتدی: اسرائیلی ترک ائدین!
13:52
آنا صحیفه ادبیات |
Kult.az آذربایجانلی شاعر سلیمان روستمین "بو ساحلده" ردیفلی شعرینی تقدیم ائدیر:
آراز! هر یاز چمن بیردیر، او ساحيلده بو ساحيلده
قرنفیل، یاسمن بیردیر، او ساحيلده، بو ساحيلده
بیلیرسن کی، سویا خنجر_پیچاق وورسان دا آیریلماز
اورك بیردیر، بدن بیردیر، او ساحيلده، بو ساحيلده
ازلدن آیریلیق دردی، ووصال دردی، وطن دردی
ایناندیم بیر ده من، بیردیر، او ساحيلده ، بو ساحيلده
اورك تئللی موقدّس ساز، شعیردن اینجه خوش بیر دیل
آراز! بیلدینمی سن بیردیر، او ساحيلده بو ساحيلده؟
"سلیمان"! گل هارای سال! قوی بوتون عالم ائشیتسین کی
عزیز، دوغما وطن بیردیر، او ساحيلده بو ساحيلده
تاریخ
2020.05.21 / 14:05
|
مولف
آیتاج آراز
|