Kult.az ترانه توران رحیملینین "من تورکم" آدلی شعیرینی تقدیم ائدیر:

من تورکه‌م، تورکلویومله اؤیوله‌سی بویوم وار،

اوغوز کیمی مرد ائلیم، آذر آدلی سویوم وار،
یاغی باغرینی یاران هاراییم وار، هویوم وار،
من تورکه‌م.

تورکه‌م، تورکون اؤجونو دوشمه‌ندن آلاسییام،
من سلطان بیازیدین، تیمورون بالاسییام،
بابکین، جوانشیرین آلینماز قالاسییام،
من تورکه‌م.

نظامی، یونوس عمره قله‌میندن سیپریم،
کوروغ‌لو قالخانین‌دان دمیر دوشمه‌ن چپریم.
ختای قیلینجین‌دا پولاد گوجوم، تپریم،
من تورکه‌م.

تاریخلره سیغمایان شؤهرتیم – توران آدیم،
قورقودون قوپوزون‌دا چالیناسی مورادیم،
نسی‌می مسلکین‌ده یئنی‌لم‌یه‌ن اینادیم
من تورکه‌م.

سوزور سمازه‌نلریم سمادا ملکلر تک،
«جنگی» ایله جنگ توتان ایگیدلریم بیر پلنگ.
هونریم دیل‌ده گزیر دوغودان باتییادک،
من تورکه‌م.

چاناققالا، قاراباغ– گؤینه‌یه‌ن درد عونوانیم،
خوجالی‌دا، گؤرادئسده تؤکولن شهید قانیم…
چوخ ایدین قیریلمادیم، تانی، دوشمه‌نیم، تانی،
من تورکه‌م،
من تورکه‌م.