Kult.az گونئی آذربایجان‌لی شاعر کریم احمدیانین شعرینی تقدیم ائدیر:

من گئدیم گئتمه گیم یاخشی دیر داها
قورخورام اؤزومو باغلایام گینه
گئدیرم گیزله نم قارا گئجه ده
سس سیزجه کوچه ده آغلایام گینه

بیر داها گلمه یم گوروش چاغینا
سئومه یم پاییزی ، یاپراغی ، چنی
سئومه یم ایچدیگم سنله چایلاری
گئدیرم اونوتسون کاففه لر منی

گئتمه گیم یاخشی دی آنلادیم بونو
اونودام گئچمیشی ، تاپام اؤزومو
اینانام بونا کی منیم دئییل سن
آخارلی سولارا ، یازام سؤزومو

سئویرم خاطیرن منیمله قالسین
گؤزومون یاشینی اولارلا سیله م
یقین بیل آیناندا شکلین دؤشه جک
هر زامان اؤزومه باخدیقجا گیله م

آیریلیق سؤزلوگون یادا سالمایام
آیدینجا اویره دم دا بیلسین اؤرک
آنلادام «شاهیده» اینانجی بودور
«نلری _نلری ، اونوتسون گرک»