کولت. آذ گونئی آذربایجان‌لی شاعر یعقوب نیکزادین شعرینی تقدیم ائدیر:

گئجیکمه گل! دلی سوولیق لا قیز دریر سؤزومو
تئز اول تلس! دیین اولمور نه تئز دریر سؤزومو

سازیم دیلیم کیمی چوخ پیس ایتیب ناغیللار آرا
یئتیم سه گاهلاریم آغزیمدا ، قیز دریر سؤزومو

سینیب دی پرده دالیندا ، قانادلی آرزولاریم
یانیق کرم هاواسیلا قوپوز دریر سؤزومو

چکنده چنلی بئل آلتیندا جانلی میصری قیلینج
نیگار آدیلا گلیر ، حربه سیز دریر سؤزومو ...

منیم سسیم قاراباغدا مچید، میناره ده دیر
کی اجنبی لر الیله ، دوغوز دریر سؤزومو

شئعیرلریمده اووونمور بولودلو ماهنی لاریم
دنیز سئوینجینه دونموش کاغیذ دریر سؤزومو

بوکوب قالین اودا چیلدیرمیر عشقیمین چیچه یین
آچاندا کؤکسونو چوخ اوز به اوز دریر سؤزومو

باخیشلاریندا آراز بورجو قالمیش ایسته ییمه
دایاز دوشونجه لر ایله اوجوز دریر سؤزومو.