کولت. آذ گونئی آذربایجان‌لی شاعری آرش احمدینین شعرینی تقدیم ائدیر:

اللریم قفسده گؤيو داريخان قوش
پرده لرين پنجره لرین چرچیوه سى داریخیر اوستومه
پنجره لر ده بعضن آزادلیق دئییل، اسارت دیر...
باشینی چیخاردیب ائشیگه _کئچمیش گونلری خاطیرلاماق
و اوزاق خیال لارا دالماق...!

قاپی لار دا بعضن قورتولوش دئییل
قميش دير...

سئودییین بیریسی قاپینی آچیر گئدیر
سونرا اوستونه قاپادير قاپیلاری...

شعر دفتریم
سیگارئتیم
تورک قهوه م
ایچیمده کی اودا...
هاميسى سن قاپادان قاپى ...

هر شئی گورودویوموز کیمی دئییل بعضن!

گئجه تنهالیغینا یولداش دئييل بعضن
گئجه اسکی سئوگیندن حوزونلو بیر قوخودور
گئجه دوستلاریندان قالان بیچاق ياراسى دير كوره يينده
گئجه انتحار قوخولو ياغيش دير بو ساعات
گئجه آغريلارينى اووشدوران ال دير...

نه سه
اللریم قفسده داريخان قوشدور دئييرديم
اؤزوم ده خاطیرلامیرام اؤزومو
اللريمى بوْش وئر
بوتون قفسلرده سنين الين وار!