کولت. آذ کریم یایجیلی نین م .ا. رسولزاده نین وفات ائتدیی دؤورده یازیلمیش «باتان گونش» شعیرینی تقدیم ائدیر:

نه لپیر، نه ده ایز وار: داش‌دا، تورپاق‌دا، قوم‌دا،
بیر گونش‌دی بیر گونش! باتیب گئدن اوفوقوم‌دا!
سارمیشکن آتشیله ایمانو قلبیمیزی،
بیر سویوق مارت آخشامی ترک ائدیب گئتدی بیزی!..

تسللیسی گوج اولور اونا وورولانلارین،
او، اومید گونشی‌دی گئری‌ده قالانلارین.
بیر نسله حیات وئرن ایشیق‌دی، عرفان‌دی او!
بیر نسلین وارلیغییدی، شاهلانان ایمان‌دی او!

یاشاتمازدی قلبلرده اومیدسیزلیک و ملال،
اونون مفکورسی‌دی: حاق، موساوات، ایستیقلال!
دئولر کیمی یورورکن بو اوسکونون پئشینده،
بیر اوزونتو سئزمیشدیک بو ایل مارت گونشین‌ده.
تیترت‌دی قلبیمیزی سولوق اوزونده‌کی قام،
او نورلو اوز ساراردی، اونون باتدیغی آخشام!..

سیلمز آرتیق کدر، کؤنلوموزدن بو یاسی،
نملندی گؤزوموزده سؤنن گونشین عکسی.
دوشدو گؤز یاشلاریمیز اؤپرکن اللرینه،
اولدوزلار چلنگ اولدو موهییل هیکلینه!..
سار کؤکسونه آنکارا، یوردومون زینتینی،
گونو گلینجه ایستر سن‌دن امانتینی.
شوکرانینی سونارکن بیر گون حؤرمتله سانا،
او سوموکلر گئده‌جک! گئده‌جک او وطنه!