قیسا حیکایه / جنید سعاوی چئویرمه:

حسین واحدی یاشلی کیشی، بیر پالتار توکانینین ویترینینه خئیلک باخاندان سونرا، ایره‌ لی ‌ده ‌کی اوینایان اوشاق لارین لاپ آریغینا اوز توتاراق، سسله‌ ندی: “جیققیلی …

منه بیراز یاردیم ائده ‌بیلرسن؟” اوشاق، هفته سون ‌لاریندا اوینادیقلاری شار اویونوندا ایلک دؤنه اوتدوغونو سایمایاراق یولداش لارینی اؤتوروپ گلدی. یئددی سککیز یاش لاریندایدی، اینینده ‌کی پالتارلار، دئمک اولار داغیلمیشدی. یاشلی آدام، اوشاغین ساچ ‌لاری‌نی سیغاللادیقدان سونرا “ویترین ده‌ کی پالتارلاری دئمیشم گئیه ‌سن، گئدک گؤرک اینیوه اولاجاق؟” دئدی. اوشاق، ایلک اؤنجه بو اؤنه‌ ری نی شوخلوق ساندی.

آمما کیشی سون درجه جیددی‌ یدی . اوننان بیرگه توکانا گیرنده، اؤنجه رویادا اولوپ اولمادیغینی دوشوندو. گئنللیک له عائله ‌ده ‌کی بؤیوک اوشاغا آلینان یا قونشولار وئرن گئیه‌ جک‌ لر، اونا دار گلمه‌ سی اوچون اورتانجا قارداشینا قالار، نئچه ایل سونرا دا دیزلری گئتمیش و یا دلینمیش دوروم دا اؤزونه وئریلردی. آنجاق هر زامان مریض دئدیکلری آتاسی نین نه قدر چتین پول قازاندیغینی بیلدیگینه گؤره، بیر سئری بئله دیلله ‌نمه ‌میشدی. ایندی ‌یسه، ایلک دؤنه یئنی بیر پالتاری اولاجاغیدی. اوسته‌ لیک بایراما دا اوچ گون قالان… اوشاق، یاشلی کیشی‌ نین گؤرستدیگی پالتارلاری گئیرکن، بؤیودویونو ایلک دؤنه آنلادی. مخمل ‌دن تیکیلمیش جیزیقلی شالوار، قیچ‌ لاری‌ نین نه قدر اوزون اولدوغونو اوزه چیخاردارکن، یئنی ژاکتی ده چییین لرینی آیدین جا گئنیش گؤرستمیشدی. آمما هامی‌ سی‌ نین اوزه‌ ریندن گئیدیگی پالتوو، آیری بیر شئی ایدی. دای اوشومه‌ یه‌ جه‌ یدی. اوشاق بیراز اؤنجه اوتدوغو شارلاری اونون جیبینه قویاندا، بتر کئف ائله ‌دی. خیردالی ایری لی شارلار، چوخ درین اولان جیب‌ لرین بیر بیجاغیندا قالمیشدی...

دئمک اولار هر جیب‌ ده، ان آزی، اللی شار یئرله شه ‌بیلردی. یاشلی کیشی اوشاغی ساغا سولا دؤندردیکدن سونرا پالتارلارین قوتویا قویوپ باغلاماسینی ایسته ‌دی. سونوندا، ساتیجی ‌یا “پالتارلاری نوه‌ مه آلیرام.” دئدی. ” اونو چاشدیرماق اوچون، اونلاری بو اوشاغین اینینده سینادیم.” ایکی ‌سی‌ نین ده سایزی، بویو زات بنزردیر… اوشاغین بئینی تاققیلدادی، نه دئیه‌ جه‌ یینی بیلمه‌ دی. آنجاق دای بؤیودویونه گؤره ، بیر شئی بللی ائتمه ‌مه‌ لی یدی. آینایا سون دفه باخاندان سونرا، اه‌ ینینده‌ کی‌ لری یاواش یاواش چیخاردیپ، بیر قیراغا توللادیغی اسکیمیش ‌لری گئیدی. کیشی، پالتارلارین نوه‌ سینه اویاجاغینا آرخایین ایدی. اوشاغا زحمت چکدیگی اوچون بیر ساققیز پولو وئرمک ایسته ‌ینده اونو یانیندا گؤره‌ بیلمه ‌دی. بللی دیر، شیلتاق اوشاق، بو ایش‌ دن سیخیلمیشدی. اوشاق یولداش ‌لارینین یانینا قاییداندان سونرا بیر قیراق ‌دا اوتوروپ اونلارا باخیردی. یولداش ‌لاری نه قدر اونلارا قوشولماق اوچون دیره‌ ندیلر، گنه اونلارا قوشولمادی. یولداش ‌لاری: “نه ‌یه گؤره اوینامیرسان؟” دئیه سوروشدولار. ” ان گؤزل شارلاری سن اوتوپسان.” اوشاق گؤزلریندن اینجی کیمی سوزولن یاش لاری یولداش‌ لاریندان گیزله‌ تمه‌ یه چالیشارکن: “شارلاریم، بو پالتارلارا یاراشمایاجاق قدر گؤزل ایدی.” دئدی. “بو اوزدن اونلاری، بایراملیق پالتووومون جیبینده ساخلادیم!” بو حکایه «بایرام» درگی‌سی‌نین ۵۴نجی ساییندا چاپ اولوبدور