Axar.az
یوخاری


طنز بویوک آغا افندی - حکایه

آنا صحیفه ادبیات
12 Punto 14 Punto 16 Punto 18 Punto

بیزیم آغا جانین سوزلری قیزیل سویویلا یازمالیدیر.

کیشی چوخ دونیا گورموش آدامیدی سوزون لاپ جوهرین چکردی ، رحمتلیک ائله بیل دوننیدی با دئییردی:

اوغلول آچ قولاغینی ائشیت، مندن دئمک، درس اوخوماسان بدبخت اولاجاقسان .ایسته سن خوشبخت اولاسان گرک یاخشی درس اوخویاسان.

کلاسیمیزدا بئش نفر خوشبخت ،ایگیرمی نفربدبخت، اون نفر زیر بدبخت واریدی.

زیربدبخت لر بئشی قورتارمامیش، درسی بوراخدیلار.

بدبختلرین چوخو سوم راهنمایی دن اکیلدیلر، بیرایکی نفری ده دیپلم آلدی.

بیز بئش نفر خوشبخت، بیریمیز دوکتور دوردوموز مهندیس اولدوق.

لاپ خوشبختمیز، مهندیس صمد خوشبخت نیا ایدی کی، بیزیم هاممیزدان چوخ بیلردی او اذهان عمومی نی تشویش ائله دی! ایندی اون ایلدیر زینداندادیر.

آغا دوکتورتورج خوشبخت زاده، ایکی ایل دیر چپیش دره سینده طرحین کئچیریر.

بنده بویوک آغا خوشبخت تبریزی، بئش ایل بئکار قالاندان سونرا، زیر بدبخت لرین بیرینین، نمایشگاهیندا چای وئریرم! هردن ده بیر ماشین ساتاندا، زیربدبختلرین بیریندن انعام آلیرام ،

مهندیس یعقوب خوشبخت اصل، دوستو حاج ماحمود بدبختین آژانسیندا، ایشلییر ،

مهندیس رضا خوشبخت اوغلو خوشبخت، زیر بدبخت اوستا محسنون شاییردی دیر.

مهندیس سیامک خوشبخت پورسرد رودی، آغاجانینین توکانیندا هرگون اون خلوار فرشی آچیر، بوکور .

هردن آغا جانیمین قیزیل سوزلری یادیما دوشر، دئییرم :کیشی آللاه سنه رحمت ائله سین .

رحمت لیک دیری اولسایدی گورردی فرمایشینی وئرمیشم بدبخت لرین بیری گوزل نستعلیق خطی ایله یازیب، وورموشام اوتاغیما بلکه اوغلومدا خوشبخت اولدو...

تاریخ
2020.02.17 / 17:15
مولف
کریم قربانزاده
شرح لر
دیگر خبرلر

ائشیت‌سه‌م گلیرسن، اوچارام، اینان- شئیر

اورک قیلینج چکیر قیشینا بیر ده - شئیر

شهریارین ایزی ایله - بیر شئیرین تاریخچه‌سی

دؤیوشه‌ن تورک، اویانان تورک، قالخان تورک! - شئیر

گؤزلرینی یومدوغون یئردن باش‌لانیر- شئیر

سن کی، سوکوت دئییل‌سه‌ن - شعیر

قار یاغیر و من خاطیرلاییرام...

واخت وار ایدی، گؤز یاشی آزادلیق سیموولوی‌دو - شعر

اوچ سوال، بیر جاواب... - مؤولانا

آلا قارغا ایله قارا قارغا دوست اولا بیلرمی؟ - حکایه

خبر خطّی
 
Axar.az'da reklam Bağla
Reklam
Bize yazin Bağla