Axar.az
یوخاری
4 اییول 2020


بو تاق- تاق باشماغی قوی اؤزوم تیکیم - شئیر

آنا صحیفه ادبیات
12 Punto 14 Punto 16 Punto 18 Punto

کولت. آز اوشاق ادبیاتی سیل‌سیله‌سین‌دن مهری زارع نین "تاق-تاق باشماق" آدلی شئیرینی تقدیم ائدیر:

گونش قیزی تاق- تاق باشماق ایسته‌دی

سئوه- سئوه گئییب قاشماق ایسته‌دی

یوخسول ایدی آتا، آلا بیلمیردی

آتانین حسرتی دیله گلمیردی

هئی بو گونه، هئی صاباحا سالاردی

وعده‌لری بیر بیر اوسته قالاردی

گونش قیزی وعده‌دن شاد اولاردی

آنجاق آنا ماجرانی بیلردی

پرده چکیب دردینی گیزلدردی

گؤز یاشینی دالدالانیب سیلردی

گؤزو ساتاشدیقدا تاق- تاق باشماغا

گونش قیزی مئیل ائدردی قاشماغا

حسرتله باخاردی آتا قیزینا

یاناردی یوخسوللوق سالمیش اودونا

بیر گون سؤیله‌دی کی، «اولار آی قیزیم

بیر تاق- تاق باشماغی تیکم من اؤزوم؟

آخی، یوخدی چارام یول‌لار باغلیدی

کؤنلوم دومانلیدی، قلبیم داغلیدی

یوخسوللوق دیواری اوجادی اوجا

بازارین یوللاری باجادی باجا

نئیله‌ییم دیواردان گئچه بیلمیرم

بو باغلی قاپینی آچا بیلمیرم

بو تاق- تاق باشماغی قوی اؤزوم تیکیم

سن گؤزه‌ل قیزیمین نازینی چکیم»

تاریخ
2019.08.04 / 17:00
مولف
آینوره مممدووا
شرح لر
دیگر خبرلر

اصل قورخونو کشف ائتمک... - مشهور یازیچینین حکایه‌سی

مدرسه واختی چاتدی؛ کیفیم منی اویاتدی! - اوشاق ادبیاتی

دردیم‌دن گؤزلری سولانان بولود- شعیر

من قورقود اولسایدیم، "سئوگی" سؤزونو-شعیر

اسکی ناغیللاردان بیری سحرخیاوی قلمیله

گونون شئیری کوچوک ایسگندردن -یاغمورا تشکر ائدئریم

گل منیم عشق اودوما یان- شعیر

گوُوندییم قولومداکی گوُج اولدو-شئیر

گؤزلدیم، گؤیلردن آلما دوشمه‌دی- شئیر

بیر شیرین اؤپوشله باشلار سئوگیلر- شعر

خبر خطّی
 
Axar.az'da reklam Bağla
Reklam
Bize yazin Bağla