Axar.az
یوخاری


تورک اؤولادی اودور کی، یوردو اولان تورپاغی - شعیر

آنا صحیفه ادبیات
12 Punto 14 Punto 16 Punto 18 Punto

کولت. آز محمت امین یورداوغولون "یا قاضی اول، یا شهید" آدلی شعرینی تقدیم ائدیر:

هایدی یاوروم! من سنی بو گون اوچون دوغوردوم،
خامیرینی ایگیدلیک دویغوسویلا یوغوردوم؛
تورک اؤولادی اودور کی، یوردو اولان تورپاغی
آنا ناموسو بیلیب یاد آیاغی باسدیرماز؛
بو یابان‌چی بایراغی
اذان سسی دویولان هئچ بیر یئره آسدیرماز.
گئت، اؤولادیم، ایللرجه من اوغول‌سوز قالارام.
بو یارالی باغریما قارا داشلار چالارام!
هایدی، اوغلوم، های‌دی گئت،
یا قاضی اول، یا شهید!

هایدی یاوروم! کندینه، نیشانلینا وعده ائت؛
کوتانینی، تارلانی، هر شئیینی فدا ائت؛
او سلاحا ساریل کی، بؤیله گون‌ده بیر ائرکک
بو دعالی دمیردن باشقا بیر شئی ایشلتمز.
بونو توتان بیر بیلک
کؤللیین اوغورسوز زنجیرینه اوزانماز.
گئت، اؤولادیم، ایللرجه من اوغول‌سوز قالارام؛
بو یارالی باغریما قارا داشلار چالارام!
هایدی، اوغلوم، هایدی گئت،
یا قاضی اول، یا شهید!

هایدی یاوروم! اؤزونه سن ده «ایگیددیر!» دئدیرت.
سحرلی قاضیلره اوجاغینا جان گتیرت،
او جنگلری قازان کی، سنین بؤیوک تورک آدین
یئددی ایقلیم، دؤرد جهت ایچری‌سینه اون سال‌سین.
بئش یوز یاش‌لی اجدادین
قبیرلرده تیتره‌یه‌ن سوموکلری اؤج آلسین.
گئت، اؤولادیم، ایللرجه من اوغول‌سوز قالارام،
بو یارالی باغریما قارا داشلار چالارام!
های‌دی، اوغلوم، های‌دی گئت،
یا قاضی اول، یا شهید!

هایدی یاوروم! بو گون ده دردلی ننه‌ن آغلاسین،
آیریلیغین اودویلا اوریینی داغلاسین،
او یاشلاری ساچ‌سین کی، سنین آسلان کؤکسون‌ده
منیم قان‌لی گؤز یاشیم دوشمه‌ن اوچون کین اولسون.
قارا یئرین اوزون‌ده
آیاغینی باسدیغین یئرلر لئش ایله دولسون.
گئت، اؤولادیم، ایللرجه من اوغول‌سوز قالارام،
بو یارالی باغریما قارا داشلار چالارام!
هایدی، اوغلوم، هایدی گئت،
یا قاضی اول، یا شهید!

تاریخ
2019.08.10 / 13:27
مولف
آینورا مممدووا
شرح لر
دیگر خبرلر

گؤزلری خان قیزی،اللری، فهله بایراغینین قابار گونشی! - شعر

کاسا دوشدو طاقچادان، داغیلمیشدی ائو ائشیک... - اوشاق ادبیاتی

اوشاق ادبیاتی: محبت افسانه سی

دئيیرلر: اینجه‌لیک، سئوگی گؤزللیکلردن آيرێلماز... - شعر

صمد بهرنگیدن اوشاقلارا - مهببت افسانه‌سی

سککیز اوجلو شو یولدوز دا سککیز هرلی اود یوردو- شعیر

رسولزادنین آذربایجانلا باغلی مودحیش نیطقی

کونلومده کی گیزلین سوزی, دیلدن آلدیم تئله وئردیم...

سن ای ساغا، سولا قیلینج ووران قول! - شاعریمیزین ایستیقلال شعیرلری

سنی اونوتماریق بیز وطن آندیمیز کیمی!

خبر خطّی
 
Axar.az'da reklam Bağla
Reklam
Bize yazin Bağla