چاناققالا بوغازیندا گمیلرین حرکتی دایاندیریلدی
25 آپرئل 23:26
آنا صحیفه ادبیات |
کولت. آذ روستم بهرودینین " یورد یئریمیز" آدلی شعیرینی تقدیم ائدیر:
قارشی یاتان قارا داغی یایلاغیم،
دوزهنلری، اورمانلاری اویلاغیم،
اییلمهیهن چینارلاری بایراغیم - وطن!
بیر گؤر سئوگیم تزهدیمی، تردیمی؟
هر دوغولان اوغولدومو، اردیمی؟!
داشلارینا یازدیم مین ایل دردیمی-وطن!
آغ آلنیمدا آراز قارا یازیدی،
واراق، یول اوزاقدی - قار آیازیدی
کرکوکدو، گؤیچهدی، قارایازیدی - وطن!
هر آغریلار، هر آجیلار اؤتندی،
ال اوزاتسام، ارزوروما یئتندی،
…فوضولینین مزاری دا وطندی، وطن!
واردیم سونا، « یا بوتؤولوک، یا قاندی »،
ظالم دوستلار قبول ائدین بو آندی.
قارا باشیم بو یول اوسته قورباندی-وطن!
تاریخ
2019.08.10 / 19:09
|
مولف
آینوره مممدووا
|