کولت. آذ گونئی‌لی شاعر یعقوب نیکزادین شعرینی تقدیم ائدیر:

باخیشی لا بولودو داغدا اوساندیردی، آهو
سینسه ین آرزولاری دیلده سولاندیردی، آهو

اوخشادی شعرلریمده مله ین کؤرپه لییین
پلمه لی دورنالاری گؤی ده دایاندیردی، آهو

من سیییلمازدیم او دیلسیز گؤزونون آندینا هئچ
قاتیما گیردی، سئوینجی له اوتاندیردی، آهو

گوزگو گؤسترمه دی ایچ دونیاسینی، چکدی اوزه
اونا بو سئودا دا مین سئوگی قازاندیردی، آهو

داغیداردیم قایالار داغلیغینی مین سؤز ایله
قاچ ها قاچدا سسیمی چوخدا یوباندیردی، آهو

آدین اؤپدوم گتیرم قوشما، گارایلیم دا قالا
دفتره سیغماسا دا شعری باریندیردی، آهوو

آیاغین چکدی، قوپارتدی دئدی: صبر ائت گلیرم
کوچه نی گؤزلرینه گیزلی داداندیردی، آهوو

تانیمیرسان اونو، مین فیتنه گؤیرتدی شَهَره
قییدی دیلسیز وطنه، داغ- داشی یاندیردی آهوو