اردوغان تصدیقلهدی: اربیله سفر ائدجک
19 آپرئل 23:42
آنا صحیفه ادبیات |
کولت. آذ گونئی آذربایجانلی شاعر ارشد نظرینین "ساخلامادی" آدلی شعرینی تقدیم ائدیر:
سسسیز قیزاریردی داغدا بیر لالا،
یالواریب یاخاردیم ال ساخلامادی.
اوزولدوم داغلارین اعتباریندان،
بیر داغلی آدینا گول ساخلامادی.
داغین میننتیندن دره قانادی،
قوشون دیمدییینده بیر قوش قانادی،
بیر داغ کی یاخیلیب اونا قان آدی،
دوغما جئیرانینا یول ساخلامادی.
اونون کی یولوندا دوشموشم درده،
حاییف او یولا کی اَیدیم نامرده؛
دیلینین کؤکونده بیر ساری پرده،
منی دیندیرمهیه تئل ساخلامادی.
بیلیردی اورهییم قاچها قاچدادی،
نه شیرین اولارمیش قاچها قاچ دادی؛
بیلیردی سئودیییم او تورش آلچادی،
اونو دوداغیندا کال ساخلامادی.
تاریخ
2020.06.28 / 21:36
|
مولف
آیتاج آراز
|