آنا صحیفه ادبیات |
کولت. آذ میکاییل موشفیقین "سنین گولوشلرین" آدلی شعیرینی تقدیم ائدیر:
قارشیمدا نازلانیب یئنه گولورسهن،
بیلسهن گولوشلرین نیه بنزییر؟
من دئسهم آرتیقدیر، اؤزون بیلیرسن،
لاله یارپاغیندا شئهه بنزییر.
سنین گولوشلرین بیر روزگار کیمی
اسرکهن آرزومون گولو آچیلیر.
گولسه دوداقلارین اولدوزلار کیمی
روحوما بیر سرین ایشیق ساچیلیر.
سؤیله، گؤزللرین دوداقلاریندان،
بو اویناق گولوشلر اومولموشدور؟
سنین هر قهقههن آی کناریندان
کئچهن بولودمودور، اوچان قوشمودور؟
سنین گولوشلرین یاز سحریندن
هیسسیمه، فیکریمه سانکی رنگ آلیر.
گول کی، شئیرلریم گولوشلریندن
قیریلماق بیلمهیهن بیر آهنگ آلیر.
سن گولدویون زامان بو شاد گونومده
آچیلیر قارشیمدا، جانلانیر باهار.
بعضا باشوجومدا، بعضا اؤنومده
شیمشکلریم چاخار، سولاریم آخار.
جهان کی سولمایان بیر باغچا-باغدیر،
بوردا روامیدیر گولمهدن اؤلمک!
یازیق او شخصه کی، قاراقاباقدیر،
نه قدر یاراشیر اینسانا گولمک!
تاریخ
2019.09.07 / 15:40
|
مولف
آینورا مممدووا
|