Axar.az
یوخاری
18 سئنتیابر 2019


آرخالانمام کیمسه‌یه، اولفت، رفاقت رنگی‌دیر- شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ صمد منصورون "هپسی رنگی‌دیر" آدلی شعیرینی تقدیم ائدیر:

اویما، ای دیل، خلق‌ده یوخ‌دور صداقت، رنگی‌دیر.
مسجیدو میخانه رنگ، عیش و عبادت رنگی‌دیر،
می ریا، معشوقه غش، حسن و وجاهت رنگیدیر،
رنگی‌دیر هر دورلو ماتم، هر مسررت رنگی‌دیر.
آنلا، ای ابنایی-خیلقت، جمله خیلقت رنگی‌دیر.

گؤرمدیم بیر زر خالص بوته ناسوتده،
معنوی مین لکه گؤردوم لعل‌ده، یاقوتده،
بیغرض اینسان اولور گؤرمک فقط تابوتده،
بیلمزه‌م وارمی صداقت عالمی-لاهوت‌ده،
آزما، فیکریم، جمله اعجازو کرامت رنگی‌دیر.

هر کسین جیبریلی کندی قلبی‌دیر، ویجدانی‌دیر،
وار ایسه اینصافی شخصین، دینی‌دیر، ایمانی‌دیر،
بد نیهاد اینسانلارین اؤز نفسی، اؤز شیطانی‌دیر،
لؤحه قلب عاریفین آیاتیدیر، قرانی‌دیر،
مابقی اوهامدیر، شر و طریقت رنگی‌دیر.

بیر زامان واردی کی، من همفیکر ایدیم زؤهاد ایله،
سونرا گؤردوم فرقی یوخموش زاهیدین جللاد ایله،
دئدیم: عیاش اولمالی، تا گون کئچه معتاد ایله،
جمله عیش و نوشی گؤردوم موختلیف فریاد ایله،
آنلادیم کی، زؤه‌د و تقوا، عیش و عشرت رنگی‌دیر.

قیل تصور بیر داها شاعرلرین خولیاسینی،
عاشیقی زارین باشین‌دا سئیر قیل سؤوداسینی،
قبری آچ، گؤستر اونا شیرینینی، لیلاسینی،
بیر آییلسین دا، دوشونسون گؤردویو رؤیاسینی،
"باخ"، دئییر "حقی بوتون عشق و محبت رنگی‌دیر".

تاپمادیم عالم‌ده بیر همده‌م کی، اولسون بیرییا،
گؤرمدیم هئچ کس‌ده بیر نیت قرضد‌ن ما‌دا،
کلا ابنای بشر اؤز نفسینه اولموش فدا،
نفسی اوغرون‌دا گؤرورسه هر بلا، هر ماجرا،
"مسلک"ه ایسناد ائدر، مسلک، دیانت رنگی‌دیر.

بیلمدیم نئیچینمیش عالم، بونجا دا یاس و الم،
زورق عمرون محیطی ورتبان، دریای غم،
بؤیله حال‌دا کیمسه‌دن بیهوده‌دیر اومماق کرم،
هر گلن بولماق دیلر اؤز نفسینه آسوده دم،
آرخالانمام کیمسه‌یه، اولفت، رفاقت رنگی‌دیر.

ایندی کی، مومکون دئییل عالم‌ده اولماق کامیاب،
ای گؤزوم قربانی، ساقی، وئر گئنه ساغر شراب،
وئر گئنه ساغر شراب، ای ساق عالیجناب،
بلکه باده‌نله ائده منصور راحت ایکتیساب،
یوخسا، بو عالم‌ده یوخدور استراحت، رنگی‌دیر...

تاریخ
2019.09.09 / 21:22
مولف
آینورا مممدووا
شرح لر
دیگر خبرلر

حیف اولدوم، هم یانان، هم یامانام من- شعیر

یئنی‌دن دوغولوب گلمک ایسترم...- شعیر

تورکون اوزو چئوریلمه‌یه‌جک سمتی-عمل‌دن- شعیر

عومور کئچیب قوجالمیشیق...

صمدین یادینا دوشدومو گؤزلرینین اتفاقی

آفرینیم همتی والایی-ستارخانه‌دیر- شعیر

و اؤزگور بیر قادین‌دیر سئودیین قادین، بونو دوشون - شعیر

ائشیت‌سه‌م گلیرسن، اوچارام، اینان- شعر

اوخو، بولبول، بلکه یاریم اویان‌سین!..- شعیر

گئدیرسن، سسین ده یاد اولسون باری...- شعیر

خبر خطّی
 
Axar.az'da reklam Bağla
Reklam
Bize yazin Bağla