کولت. آذ محمد هادینین "تورکون نغمه‌سی" آدلی شعیرینی تقدیم ائدیر:

تورکون تؤکوله‌ن قانلاری بیهوده گئدرمی؟
دقتله دوشون، یوخ‌سا بو قان هپسی هدرمی؟

دؤرد ایلده وئریلمیش بو قدر جان هدر اولماز،
مفکوره یولون‌دا تؤکوله‌ن قان هدر اولماز،
قیمت‌لی اولان خون شهیدان هدر اولماز،
دول قالمیش اولان نؤوحه‌ یسوان هدر اولماز،
باخ سس سونونا، حیکمت تورکان هدر اولماز،
بدبخت اولان اغفان یتیمان هدر اولماز.

تورکون تؤکوله‌ن قانلاری بیهوده گئدرمی؟
دقتله دوشون، یوخسا بو قان هپسی هدرمی؟

قان ایله قازاندیق ظفری، وئرمریز الده‌ن،
خوف ائیلمدیک آتش دهاش دول‌دن
بیر ذرره بئله قورخماییریز دست اجل‌دن،
ایسترسه جهان چئوریلی وارسین دا تملدن.
تورکون اوزو چئوریلمه‌یه‌جک سمتی عمل‌دن،
تورکلر گئرییه دؤنمه‌یه‌جک مصلح عمل‌دن.
یوکسک یاشاماق ایستر ایکن جمله میلل‌دن.

تورکون تؤکوله‌ن قانلاری بیهوده گئدرمی؟
دقتله دوشون، یوخسا بو قان هپسی هدرمی؟