آنا صحیفه ادبیات |
کولت. آذ موسی یعقوبون "سن منه وئردیین عذابا گؤره..." آدلی شعیرینی تقدیم ائدیر:
قاپیندا اییلیب سوالا دؤندوم،
سندن آلاجاغیم جوابا گؤره.
اللهیم هئچ سنه عذاب وئرمهسین،
سن منه وئردیین عذابا گؤره.
اوزوب هر اومیددن الیمی سنسیز،
دونیانین گئدیمی،گلیمی سنسیز،
داها ایستمیرم کؤنلومو سنسیز،
باخیب بیگانهلر خارابا گؤره.
دوشمزمی گوزاریم بیر دوست باغینا،
سئودا چیچکلریم دوشوب قیرغینا،
یامانجا توش اولدوم ائل قیناغینا،
تسللی تاپدیغیم شرابا گؤره.
ائله بیل اورکلر داشدی،دمیردی،
بیر اوزو آغ کولدو،بیری کؤموردو،
ایلاهی، بو نئجه یالقیز عموردو،
قویمارام بو عمرو حسابا گیره.
اؤز عشقیم یولوندا صادق جانام من،
حیف اولدوم، هم یانان، هم یامانام من،
بلکه ده، بیرینجی مسلمانام من،
جهنم چکیرم ثوابا گؤره...
اللهیم هئچ سنه عذاب وئرمهسین،
سن منه وئردیین عذابا گؤره...
تاریخ
2019.09.17 / 20:25
|
مولف
آینورا مممدووا
|