آنا صحیفه ادبیات |
کولت. آذ شاه ایسماییل ختایینین "مندهدیر" آدلی غزلینی تقدیم ائدیر:
آشیق ایسن گل برو، کیم، جانی-جانان مندهدیر،
زاهیدا، سن خانداسان، کیم، نوری-ایمان مندهدیر.
مندهدیر یئر ایله گؤیون حیکمتی، هم قدرتی،
آبو آتش، خاک و باد و جمله ارکان مندهدیر.
حق تعالی دؤرد کیتابی گؤیدن ائندیردی یئره،
من اونو ایستمزهم، چون کوللی-فرقان مندهدیر.
کاتیبا، آغو قرایه باخما سنی آزدیرور،
آچ قولاق، دینله سؤزوم، آوازی-قوران مندهدیر.
پهلوانلار، چون جاهاندا روستهمی-زال اولموشام،
هم ایسکندر حیکمتی، حؤکمی-سولئیمان مندهدیر.
اییوبا چکدیردی چوخ دردو بلاوو محنتی،
گل منی ایستش، وئرییم درده درمان مندهدیر.
یعقوبی گؤر، زارو گریان یوسیفی-کنان اوچون،
پیری-کونجی-خلوتم، اوش، میصری-سلطان مندهدیر.
شاهی-مردانین-الینین عالییهم، اؤولادییهم،
زولفوقارو تاجو دولدول، اوچ نیشانی مندهدیر.
آچاریم دینی-محمد، مذهبی-جعفر یقین،
لا فتا ایللا علی، بو سیرری-پونهان مندهدیر.
من شها بو جانیمی صیدقیله قربان قیلمیشام،
گر قبول قیلسا ویلایت، عیدی-قربان مندهدیر.
چون ختاییهم، شاهین وصفینی دایم سؤیلرهم،
عشقیله بئل باغلارام، دفترله دیوان مندهدیر.
تاریخ
2019.09.23 / 20:25
|
مولف
آینوره مممدووا
|