کولت. آذ مممد آرازین "بیر سنین عشقینله..." آدلی شعیرینی تقدیم ائدیر:

یئنه واراقلاندی کؤنول کیتابیم
بیر سنین، بیر سنین عشقینله، گؤزل!
دوشوندوم گول آچیر، بولبول اوخویور
بیر سنین، بیر سنین عشقینله، گؤزل!

سینه‌مه بیر عشقین سازینی آسدیم،
هر کؤنول نغمه‌می او دئدی، یازدیم.
چوخ عشقین سسینه قولاق دا آسدیم
بیر سنین، بیر سنین عشقینله، گؤزل!

گاه اودسوز، آلووسوز پروانه اولدوم،
عشقینله گوله‌جک دیوانه اولدوم.
بلکه یوز گؤزه‌له بیگانه اولدوم
بیر سنین، بیر سنین عشقینله، گؤزل!

غم-کدر اوزونه توتاندا پرده
قملندی چایلار دا، شلاله‌لر ده.
ساندیم-دوغور گونش، گولور سحر ده
بیر سنین، بیر سنین عشقینله، گؤزل!

سن‌سیز بیر آنیما دئدیم بیر ایلدی،
دردیمی نه باجی، نه آنا بیلدی...
محبت اؤنونده قددیم اییلدی
بیر سنین، بیر سنین عشقینله، گؤزل!