Axar.az
یوخاری
19 اوکتیابر 2019


ساوالان ای باشی طوفانلی بیزیم حاققیمیزی- شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ هوشنگ جعفرینین "حاقیمیزی" آدلی شعیرینی تقدیم ائدیر:

بوزا یازمیشدی قیز اوغلانلی بیزیم حاققیمیزی

اریدیر بیر بئیینی قانلی بیزیم حاققیمیزی

پایلاییریازیئلی تک کوللارا یارپاقلاریمی

دیلی ، آغزی ، الی قرآنلی بیزیم حاققیمیزی

گؤردوگون اوتدو ، دماوند قیمیللانمادی هئچ

یئنه اوتماز دئدی ایرانلی ، بیزیم حاققیمیزی

نییه گؤیلرده بولوددان ال آتیب آلمیرسان

ساوالان ای باشی طوفانلی بیزیم حاققیمیزی

دوتوبان نیسگیل الیندن دئدی خرمنلره باخ

سووورور گؤ نئجه سهمانلی بیزیم حاقیمیزی

ال آتیب ایندی قلمدن غزل ایستیر دفتر

اورداکی داندیلا دیوانلی بیزیم حاققیمیزی

قویمایین بارماغی حسرت قالا بال بارداغینا

یاخمایین کوللارا شان- شانلی بیزیم حاققیمیزی

گئجه بیر پالچیقا باتمیش کوچه دن سس گلدی

کورلادین آی کدر ایمانلی بیزیم حاققیمیزی

کتده بیر هیسلی دام التدا بویو عنبرچه قادین

ائله سؤیلوردو یاریم جانلی بیزیم حاققیمیزی

تاریخ
2019.09.26 / 22:38
مولف
آینوره مممدووا
شرح لر
دیگر خبرلر

واهید آذربایجان اولسون! - شعیر

"نییه چیخدیق یولا بیز؟!"... - سحر خیاویدن شعر

موستقیل آذربایجانین ان یاخشی رومانلاری - سیاهی

قیزیل ایرماق کنارین‌دا قادینلار گؤردوم - شعر

یوخ، داها عمروم‌ده آچیلماز او یاز،- شئیر

کوسمئک؛ سئنی سئویوروم’دور - شعر

یوسیفی میصرده گر آلدی زولیخا نقده... - ناتوان‌دان

گؤزلریم‌ده گؤرونور هر آغرینین ال ایزی - شعر

آیریلیق نه یامان درد ایمیش، آمان!- شعیر

باغینی درمیش، آپارمیش بو یازیق شهریارین- غزل

خبر خطّی
 
Axar.az'da reklam Bağla
Reklam
Bize yazin Bağla