آنا صحیفه ادبیات |
کولت. آذ هوشنگ جعفرینین "حاقیمیزی" آدلی شعیرینی تقدیم ائدیر:
بوزا یازمیشدی قیز اوغلانلی بیزیم حاققیمیزی
اریدیر بیر بئیینی قانلی بیزیم حاققیمیزی
پایلاییریازیئلی تک کوللارا یارپاقلاریمی
دیلی ، آغزی ، الی قرآنلی بیزیم حاققیمیزی
گؤردوگون اوتدو ، دماوند قیمیللانمادی هئچ
یئنه اوتماز دئدی ایرانلی ، بیزیم حاققیمیزی
نییه گؤیلرده بولوددان ال آتیب آلمیرسان
ساوالان ای باشی طوفانلی بیزیم حاققیمیزی
دوتوبان نیسگیل الیندن دئدی خرمنلره باخ
سووورور گؤ نئجه سهمانلی بیزیم حاقیمیزی
ال آتیب ایندی قلمدن غزل ایستیر دفتر
اورداکی داندیلا دیوانلی بیزیم حاققیمیزی
قویمایین بارماغی حسرت قالا بال بارداغینا
یاخمایین کوللارا شان- شانلی بیزیم حاققیمیزی
گئجه بیر پالچیقا باتمیش کوچه دن سس گلدی
کورلادین آی کدر ایمانلی بیزیم حاققیمیزی
کتده بیر هیسلی دام التدا بویو عنبرچه قادین
ائله سؤیلوردو یاریم جانلی بیزیم حاققیمیزی
تاریخ
2019.09.26 / 22:38
|
مولف
آینوره مممدووا
|