کولت. آذ آذربایجانین سئویله‌ن شاعری موسی یعقوبون "سن منیمله‌سه‌ن..." آدلی شعرینی تقدیم ائدیر:

نه یاخشی بیل‌می‌سه‌ن خسته حالی‌می

حقیقت ائیلدین خوش خیالیمی.

سنین نفس‌ین‌دیر، سنین اللرین

اوخشاییر روحومو، اووور آلنیمی-

کؤورلتدی الیمی ایستی یاشلارین...

وار اول، بو ایسته‌یه، تماسا گؤره،

منیمچین اللها یالواریشلارین،

نه دئییم بو نذیر-نیازا گؤره؟..

من ایندی بیلدیم کی، سن منیمله‌سه‌ن...

نه شیرین ناغیلدی، نئجه خوش خیال،

سئهرلی اویغودو، اویغویا اویدوم.

دیکسیندی، تیتره‌دی، سویودو کؤنلوم.

صداقت ایستدیم،

یئل آلدی منی،

لئیلک یوواسین‌دا اویودو کؤنلوم -

من اوندا بیلدیم کی، سن منیمله‌سه‌ن.

کک‌لیک بالالاری فره‌لندیلر،

آنالاری باخیب فرحلندیلر.

بیردن قانادلانیب هوه‌سه گلدی،

بالالار هم داشدان-داشا اوچان‌دا،

گؤردوم یووا تیکه‌ن بیر قارانقوشو،

کؤنلوم بو قوشلارلا اوچدو یاناشی،

پاییز دورنالاری قوشا اوچان‌دا،

من اوندا بیلدیم کی، سن منیمله‌سه‌ن...

بو مهر کولیی یئرینه دوشدو،

چمنلر محبت سئهرینه دوشدو.

مئه ووردو، چیچکلر گلدی باش-باشا،

نه یاخشی آرالار آرادان گئدیر،

قوشقونماز تیکانی سیرادان گئدیر.

دامجیلار سوزولور اوستدن آشاغی،

بوینو آغیرلاشان بنؤوشه‌لر ده

اؤزجه یارپاغینا باش قویوب یاتار.

هره همدمینی تاپیر دئیه‌سه‌ن

داشقاپان تایینی قاپیر دئیه‌سه‌ن-

باشینین آلتینا داش قویوب یاتار-..

من اوندا گؤرموشم کؤوره‌لن داشی...

اوندا خاطره‌لر دورور یاناشی،

من اوندا بیلدیم کی، سن منیمله‌سه‌ن...

ایساق-موساق قوشو نسه آختاریر،

دوشوب بیر دوغماجا سسه آختاریر

قوش دیلی بیله‌نلر روح دیلی بیلیر،

سولئیمان قوش دیلی بیله‌ن واختلاری،

نیفرتین، پیسلیین اؤل‌ن واختلاری،

گوللرین باش-باشا گلن واختلاری،

باخ، اوندا بیلیرم سن منیمله‌سه‌ن.

غضبلر یوخ اولوب ساواش بیته‌ن‌ده،

حاقین اتیینه علیم یئته‌ن‌ده،

بوینو آغیرلاشان او بنؤوشه‌لر

گلیر یانیما،

عشقی همیشه‌لر گلیر یانیما

من اوندا بیلیرم سن یانیم‌داسان.

اینسافلا ایشله‌سه ائلچی داشلاری،

مرهمت کؤنلومه جاواب یازان‌دا،

ملکلر چینیم‌ده ساواب یازان‌دا،

ییغیلار باشیما قم یولداشلاریم،

اومیدلر، ایشیقلار گلر یانیما،

بوتون یاخشی‌لیقلار گلر یانیما-

اوندا بیلیرم کی، سن یانیم‌داسان.

شاهداغی یانین‌دا سنه‌م یایلاغی،

نه سنه‌م قوجالار، نه ده شاهداغی.

شاه قالار ابدی، سنه‌م ده قالار،

من اوندا قالارام، او من‌ده قالار.

یانین‌دا عائله‌لر دوشرگه سالار،

داغداکی لاله‌لر گلر یانیما،

عشقی پیاله‌لر گلر یانیما.

من اوندا بیلره‌م سن منیمله‌سه‌ن.

سن ائی ماوی گؤیلر،

سماوی گؤیلر!

گؤره‌سه‌ن گؤیلرین قفسی وارمی؟

گؤره‌سه‌ن روحلارین نفه‌سی وارمی؟

اوفوق‌دن-اوفوقه اوچا بیلیرسه،

دورنا قاتارین‌دا نیزام قالاجاق.

بیزی او قاتارا یازان قالاجاق.

قالاجاق، مهببت تزه قالاجاق!

سداقت رمزی‌دیر،

بیر یاشام طرزی،

لئیلک یووالاری،

حاق ترزی‌سی،

بیر گؤزون‌ده منه‌م،

بیر گؤزون‌ده سن،

یئر اوزون‌ده منه‌م،

گؤی اوزون‌ده سن.

گؤیون آزادلیغی ساخلایار بیزی،

یئرین تارازلیغی ساخلایار بیزی.

قالاریق یئر ایله گؤی آراسین‌دا،

گئدریک النمیش الکلر ایله،

گلریک قانادلی ملکلر ایله.

دئمه‌لی اب‌دی سن منیمله‌سه‌ن...