ارمنیلر ایچکیسینه زهر قاتدی - توفیق بایرامین فیلم کیمی حیاتی
14:11
آنا صحیفه ادبیات |
کولت. آذ تانینمیش شاعر-یازیچی حمید هریسچینین یئنی شعیرلر کیتابیندا یئر آلاجاق "زونقوزونقو" ویروسو" آدلی شعرینی تقدیم ائدیر:
هه…
هه، قار اریدی بو گون،
قار اریدی…
دیوارلار ایسه…
دیوارلار ایسه اریمهدی…
هه، گون چیخدی
چکمهلریمین پالچیغی برکیدی،
قیزلار عشقه دوشوب
دیرناقلارینی ایتیلهدی،
رنگلهدی…
چیرکاب گؤلمچهلریندن
بیر باشقا جور بویلاندی
بیزیم شهرین عکسی…
سندلر غیبه چکیلدی قفیلدن،
صیفتلریمیز دؤنوب اولدو
شخصیت وثیقهسی…
سئوینجک دوشوب آرزولاریمی سسلدیم،
کیمسه گلمدی…
کونج-بوجاقداکی
هؤرومچک تورو تیترهدی
آنجاق…
بوم-بوش ایدی «اوتویول» مینیبوسلاری ایچون آیریلمیش،
اومیدلرینین سون دیشلری ساییلمیش
یارییوخولو دایاناجاق…
هه، قار اریدی…
دیوارلار ایسه اریمهدی
بو گون…
کاسیبلیق قاپازلادی منی بو گون،
دیلنچیلییمین اوووجلاری درینلشدی.
تاریخ
2020.06.28 / 20:38
|
مولف
آیتاج آراز
|