کولت. آذ عمادالدین نسیمینین "آیریلیر" آدلی غزلینی تقدیم ائدیر:

ای مسلمانلار، مدد، اول یار پونهان آیریلیر،
آغلاماییم نئیلییم، چون گؤوده‌دن جان آیریلیر.

ای سنم، هیجران الین‌ده نالعی-زار ائیلره‌م،
گؤزلریم‌دن ساناسان دریایی عمان آیریلیر.

اول سبب‌دن‌دیر کی، من بیمارو رنجور اولموشام،
خسته کؤنلوم مرحمی، شول درده درمان آیریلیر.

رنگی-چهرم زرد اولوبدور، قامتیم هم چون حلال،
اول گونش اوزلو حبیبیم، لعلی-خاندان آیریلیر.

طاقتیم، صبریم توکندی، یارسیز من نئیلره‌م؟
عقلیمی شیدا قیلان اول چشمی فتان آیریلیر.

محشر یؤم الحساب، قوپدو قیامت باشیما،
ای یوسف صورتلی، من‌دن پیر کنان آیریلیر.

ای جیگرسوز نارفرقتدن نسیمی چاره نه؟
هر کیمه نحن و قسمنا چون ازلدن آیریلیر...