کولت. آذ آتیللا کیشیزادنین "داریخاجاق‌سان" آدلی شعیرینی تقدیم ائدیر:

قوپوزلاردان اوغورلانمیش سیم اولدون
مزار گله‌جکلی بئشیییم اولدون
قیزا! سن ده منیم ایتیییم اولدون
گون باتاندا باتسان دوغاندا چیخسان
بیر گون مندن ساری داریخاجاقسان

گؤزون گؤزه‌للییین سونو دییل کی
شاسئوه‌ن قیزلارین دونو دییل کی
اشی ساتماق یئنی قونو دییل کی
بیر آن اللرینی بوراخاجاقسان
بیر گون مندن ساری داریخاجاقسان

هله ده شعریمده دانیشانیم‌سان
آرزی گؤز اولدوغوم صحنه‌بانیم‌سان
منی داریخدیران کور دومانیم‌سان
جاندان پیققیلداشیب شعریمدن آخسان
بیر گون مندن ساری داریخاجاقسان

گئدیرسن الیمده آه چکیر آلما
دئمک گلمه‌یه‌جک تویدا کاریما
هر زامان داریخان آتیلان اولما
آمما هاچان دؤنوب گئرییه باخسان
بیر آن مندن ساری داریخاجاقسان