روسییا بو ایل اوکراینادا نه قدر اراضینی اله کئچیریب؟
14:11
آنا صحیفه ادبیات |
کولت. آذ آذربایجانین گنج شاعری اینتیقام یاشارین "اؤز یالانلاریم..." آدلی شعرینی تقدیم ائدیر:
من اؤز یالانلاریملا ایناندیردیم اؤزومو،
من اؤز یالانلاریملا باش-باشایام هر گئجه.
منه یاغیش پای وئرر، منه کولک باغیشلار،
منه بو جور دوغمادی، بو شهرده هر کوچه.
ایللرین آغریسی وار، هر چینیمده یوک کیمی،
منی تاقتدن سالان سببلرین سایی یوخ!
من بو اؤمرو بوسبوتون ایتیرمیشهم نه یازیق،
نه بو بیر گون، نه بئش گون بونون ایلی، آیی یوخ.
نه گناهکار تاپیرام، نه گناه وار اورتادا.
گؤزلریمده گؤرونور هر آغرینین ال ایزی.
یئنه یئتیشدی آخشام، یئنه گلیر آغریلار.
یئنه آیاق سسلری سیلکلییر دهلیزی.
یارالاریم قان وئریر هر گونش قوروبوندا.
من اورک آدامییدیم، اورییمی قیردیلار.
منی قیناماق اوچون سن ده تلس، یوبانما.
تکجه دئیجییم بو: یوردولار دوست، یوردولار...
تاریخ
2019.10.16 / 13:08
|
مولف
آیتاج آراز
|