Axar.az
یوخاری
27 فئورال 2020


پنجره‌دن او تای‌دا تیترییر گئجه - شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ ایران شاعره‌سی فروغ فرخزادین " کولک بیزی آپاراجاق" آدلی شعیرینی تقدیم ائدیر:

حیف کی،

بو بیر گؤز قیرپیم‌لیق گئجه‌م

کولیین یارپاقلارلا گؤروشودو.

بو قیسا گئجه‌ده منی

قوپوب ییخیلماق قورخوسو اوشودور.

دینله،

کؤلگه‌لرین هنیرینی،

قارانلیغین خفیفلیینی..

بو خوشبخت‌لییه یادام ندن‌سه،

اؤز اومیدسیزلییم دوغمادیر منه.

دینله،

کؤلگه‌لرین هنیرینی...

ائشیدیرسن‌می،

بیر شئی کئچیر گئجه‌نین ایچین‌دن...

هر آن چؤکه‌جک دام‌دان آسیلیب

تلاشلی، قیزیلی آی..

یاسا ییغیلان قادینلار کیمی

یاغماغا حاضر بولودلار

توپلانیب لای-لای...

بیر آن...

سونراسا هئچ نه...

پنجره‌دن او تای‌دا تیترییر گئجه

یئر بیر آن دایانیر، دؤنمییر

بو پنجره آرخاسین‌دا بیلینمز بیری

سنی و منی گؤزلییر.

ای،

باشدان آیاغا یامیاشیل اولان،

یاندیریب یاخان خاطره‌لرله دولو اللرینی

عشق‌دن توتوشان اللریمه اوزات.

ایستیلیینی دویدوران دوداقلارینی

آشیق دوداقلاریما بوراخ

کولک بیزی آپاراجاق

کولک بیزی آپاراجاق….

تاریخ
2019.10.26 / 17:34
مولف
Axar.az
شرح لر
دیگر خبرلر

یا کاراباغ یا اؤلوم! باشکا یولو یوک آرتیک! - شئیر

ائی منوم چوخ سئودوگوم، عالم‌ده سلطان‌دور بو گون... - شاه ایسماییل

یاخشی بیزی یامان گونه سالیبلار-شئیر

افسوس، بولبولوم، بو گولوستانه گلمدین- شئیر

یئر آلتینین یئر اوسته، گیزلی الیفباسی وار... - شعر

سسیم سکوتا بوروندو، غزل‌لریم اوشودو- شعر

چوخلار اینجیکدی کی، سن اونلارا ناز ائیله‌میسن- شعیر

اؤیکو: نئچه‌دی بو پورتاقاللار، اوغول؟

هئی وفاسوز دیل-بروم، سندئن وئفالودور گامون - مرثییه

نباتی ، سئومیشه م بیر دیلسیتانی- شعیر

خبر خطّی
 
Axar.az'da reklam Bağla
Reklam
Bize yazin Bağla