چاناققالا بوغازیندا گمیلرین حرکتی دایاندیریلدی
25 آپرئل 23:26
آنا صحیفه ادبیات |
کولت. آذ الیاغا واحیدین غزلینی تقدیم ائدیر:
سئوگیلیم، عشق اولماسا، وارلیق بوتون افسانهدیر،
عشقدن محروم اولان اینسانلیغا بیگانهدیر.
سئوگیدیر، یالنیز محبتدیر حیاتین جوهری،
بیر کؤنول کی، عشق زؤوقون دویماسا، غمخانهدیر.
من اسیری-عشقییهم اؤز خالقیمین، اؤز یوردومون،
سئومهیهن اؤز خالقینی، اؤز یوردونو دیوانهدیر.
قوی وطن دایم ایشیقلانسین گؤزل بیر شمغ تک،
کؤنلوم اول شمعین ضیاسین سئیر ائدن پروانهدیر.
نازنین، رعنا گؤزللردیر - باخیرسان هر یانا،
بس بو تورپاق ایندی بیر جنت دئییل، آیا، ندیر؟
اؤلکهمیزده گؤر نلر وار، باشقا بیر عالمدییک،
هر چیچک بیر نازنین، هر غنچه بیر جانانهدیر.
واحیدهم من، سئوگیلیم، مندن خیانت گؤرمهسهن،
شاعرهم، عشقیم ده اؤز قلبیم کیمی مردانهدیر.
تاریخ
2019.10.29 / 23:35
|
مولف
Axar.az
|