Axar.az
یوخاری
23 یانوار 2020


ائله بیل آزالیب دورنا قطاری- شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ نصرت کسمنلینین "بو پاییز او پاییز دئییل" آدلی شعیرینی تقدیم ائدیر:

کئچه‌ن ایلکی کیمی دولوب بولودلار،
آغاجلار حسرته بورونوب یئنه.
کئچه‌ن ایلکی کیمی قالیب بولودلار،
بس ندن بو قدر یاد گلیر منه.
کئچه‌ن پاییزدا دا بئله چن واردی،
هردن گونش کیمی گؤرونه‌ن واردی،
پاییزدیر…
بو پاییز او پاییز دئییل.

ائله بو ماهنییلا بمین بولاقلار
کئچه‌ن ایل وصال‌دان اوخویوردولار.
آی سؤزلو بولاقلار، سرین بولاقلار،
ندن سسینیزده بیر اینتیظار وار؟!
هیجران نغمه‌سی‌دیر ایندی نه یازسام،
طبیعت، سن منی آلداداممازسان
-پاییزدیر…
بو پاییز او پاییز دئییل.

دورنالار بئله‌جه اوچوب گئدیردی،
یئلپیک قانادینی آچیب گئدیردی.
اوندا دا توی-دویون فصلیدی پاییز،
اوندا دا صدالی-سسلیدی پاییز…
ائله بیل آزالیب دورنا قاتاری،
ائله بیل چوخالیب توی اینتیظاری،
پاییزدیر…
بو پاییز او پاییز دئییل.

جیغیرلار کمن‌ده دؤنموشدو اوندا،
کؤنول‌لو دوشموشدو کمنده او قیز.
گونش اووجوموزا ائنمیشدی اوندا،
ایکیمیزین ایدی ان پارلاق اولدوز.
او پاییز توی اوچون سؤز وئردی منه،
بو پاییز اوخشامیر توی ائیله‌یه‌نه،
پاییزدیر…
بو پاییز او پاییز دئییل...

تاریخ
2019.11.15 / 13:27
مولف
Axar.az
شرح لر
دیگر خبرلر

بو دونیادان گیدئر اولدوک- شئیر

آذربایجان‌لی شاعرین حلب‌ده نسیمی ایله خیاله‌ن گؤروشو

اوشاق ادبیاتی: "تولکونون جزاسی"

نسیمیلری تانری اولا بیلمدیکلرینه گؤره سویورلار... - شعر

چیرکین قیز و قارا خوشبخت‌لیک – حکایه

گونوموزون گونئی آذربایجان ادبیاتی نماینده‌سی-نادیر ازهری

سئوگی عمورلوکدو، بیرجه آن دئییل- شعیر

آغلا، داغلار یومشالسین- شعیر

بایاتی اوستاسی ساری آشیغین، سئوداسی

بو یولو یالقیزجاسینا گئتمک اولمازدی...- اؤیکو

خبر خطّی
 
Axar.az'da reklam Bağla
Reklam
Bize yazin Bağla