آنا صحیفه ادبیات |
کولت. آذ محمد هادینین "تورکون نغمهسی" آدلی شعیرینی تقدیم ائدیر:
تورکون تؤکولهن قانلاری بیهوده گئدرمی؟
دقتله دوشون، یوخسا بو قان هپسی هدرمی؟
دؤرد ایلده وئریلمیش بو قدر جان هدر اولماز،
مفکوره یولوندا تؤکولهن قان هدر اولماز،
قیمتلی اولان خونی-شهیدان هدر اولماز،
دول قالمیش اولان نوحه نسوان هدر اولماز،
باخ سس سونونا، حیکمتی-تورکان هدر اولماز،
بدبخت اولان افغانی-یتیمان هدر اولماز.
تورکون تؤکولهن قانلاری بیهوده گئدرمی؟
دقتله دوشون، یوخسا بو قان هپسی هدرمی؟
قان ایله قازاندیق ظفری، وئرمریز الدهن،
خوف ائیلمدیک آتشیدههاشه دوولدن
بیر ضرره بئله قورخماییریز دست اجلدن،
ایسترسه جهان چئوریلی وارسین دا تملدن.
تورکون اوزو چئوریلمهیهجک سمت عملدن،
تورکلر گئرییه دؤنمهیهجک موصلح عملدن.
یوکسک یاشاماق ایستر ایکن جمله میللدن.
تورکون تؤکولهن قانلاری بیهوده گئدرمی؟
دقتله دوشون، یوخسا بو قان هپسی هدرمی؟
تاریخ
2019.12.06 / 21:22
|
مولف
آینوره مممدووا
|