Axar.az
یوخاری
26 یانوار 2020


آغ آتلی بیر ناغیل گؤندر دالیمجا- شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ موسی یعقوبون "بیر پاییز تنهالیغی" آدلی شعیرینی تقدیم ائدیر:

لال سوکوت ایچین‌ده سس‌سیز کئچیرم،
ایلک دفعه پاییزدان سن‌سیز کئچیرم
من ده اریره‌م،من ده ایتره‌م،
بیر خزه‌ن یئلین‌ده اوتدان بئتره‌م.
سؤیکه‌نیم هان‌سی بیر گوجه بیلمیرم،
کئچیرم دئییرم،کئچه بیلمیرم
منی بو پاییزین ایچین‌دن کئچیرت.

خزل آیاغیمی آیاقلار منیم
داشقالاق ائلییر یارپاقلار منی،
اول پاییزلاریم بئله دئییل‌دی،
بو نه تنهالیق‌دیر بو نه قم،کدر،
سن الله روحونو دالیمجا گؤندر،
منی بو پاییزین ایچین‌دن کئچیرت.

بیر گول یارپاغینا-قانادی ایسلاق-
سیغینیب دورموشام کپنکسایاق،
چیچییم یاریمجان،اوتوم یاریمجان،
سن الله بیر قاناد گؤندر دالیمجا
منی بو پاییزین ایچین‌دن کئچیرت.

یاری آلاتوران،یاری ایشیغام
ایندی گونباتانا یول گئدیر ایندیم
بو خزان ایچین‌ده ساری ایشیغام،
قیرمیزی ایشیغیم یان‌دی-گئجیکدیم!
منی بو پاییزین ایچین‌دن کئچیرت.

ابروشوم بئلینه بئلیم دئمیشدیم
چینار یارپاغینا علیم دئمیشدیم-
او دا بوداغین‌دان اوزول‌دو دوش‌دو.
قویما اوشومه‌یه چیلپاق علی‌می،
توت گؤتور تورپاق‌دان یارپاق علی‌می
منی بو پاییزین ایچین‌دن کئچیرت.

سنی سسلییرم،گلرسه‌ن هاچان؟-
بلکه سون کؤرپوم‌دو،سونونجو کئچید،
آغ آتلی بیر ناغیل گؤندر دالیمجا

تاریخ
2019.12.11 / 20:44
مولف
Axar.az
شرح لر
دیگر خبرلر

اوغلانین‌ دا جاوانلیغی اؤلدو... - اؤیکو

یازیرام کی... باغیشلا!!!- شعیر

وطن عشقی چوخ آتیب‌دیر منی هر ظلمون اوجاغینا- شعر

آه…آی آللاه کئشگه ایکی قانادیم اولایدی الان اوچایدیم -حکایه‌

بیزه باخیب تانری چاشیر- شئیر

یاشادیم آلوولار، اودلار ایچین‌ده... - شعر

گونئی آذربایجان پوئزییاسینا بیر نظر-میرجامال حسینی

فضولی عشقین‌دن دیوانه دیلیم- شعیر

کیم آیاق ساخلایار، کیم حال سوروشار... - شعر

سن قفیل مرمی ایدین، تانری آتدی سینه‌مه - شعر

خبر خطّی
 
Axar.az'da reklam Bağla
Reklam
Bize yazin Bağla