کولت. آذ رامیز رؤوشنین "هیرس‌لی آدام" شعرینی تقدیم ائدیر:

بو آدامی دیندیرمیین، هیرس‌لی‌دی؛
قاپی‌سینا ازازیل ایت باغ‌لانان
ائو کیمی حیرس‌لی.
جیرت‌دانا آلدانان
دیو کیمی حیرس‌لی.

بیر ساریشین گؤزلین
ایپک ساچلاری دا
یومشالتماز اونو.
هیرس‌لی‌دی -
دیشلری قیریلمیش
داراق کیمی حیرس‌لی.
مج‌لی‌سین شیرین یئرین‌ده
قفیل سؤنوب قارالمیش.

چیراق کیمی حیرس‌لی.
هیرسین‌دن گؤزلری گؤرمور دؤرد یعنی،
آغزی کیلیدلنیب بیغینین آلت‌دا.
گئجه ده، گوندوز ده قارادیر قانی،
اونا یاخین دوشمور آغجاقاناد دا.

هیرسی آغری کیمی گزیر جانین‌دا،
هیرس‌لی‌دی -
یارالی اوو کیمی حیرس‌لی.
اودوزولان اویونون سون آنین‌دا
قاپی دیریینه دیه‌ن
توپ کیمی حیرس‌لی.

کوسدوروب اؤزون‌دن بوتون دوستلاری،
سئومیر اؤزونو ده، اؤزگه‌سینی ده.
بلکه ده، چکدیی پاپیروسلارین
خاطرینه آلیر نفه‌سینی ده.
باغلانیب اوزونه
بوتون قاپیلار...

یوخ، هله آچیق‌دی اومید قاپی‌سی.
هله کی، چکمه‌یه پاپیروسو وار،
تکی یاندیرماغا کیبریت تاپیل‌سین...