کولت. آز منشأ‌جه آذربایجان تورکلرین‌دن اولان مشهور صوفی عالیم و شاعر شمس تبریزینین آفوریزملرینی تقدیم ائدیر:

*بیر گول قدر گؤزل اول؛ اما تیکانی قدر ظالم اولما. بیرینه ائله بیر سؤز سؤیله کی، یا یاشات یا دا اؤلدور؛ اما اصلا یارالی بوراخما.

* ائی اینسان قاف داغی قدر یوکسک‌ده اولسان‌دا، کفه‌نه سیغاجاق قدر کیچیک‌سه‌ن. اونوتما ...هر شئیین بیر حسابی وار اوزدویون قدر کدرلنرسه‌ن.

* حاق یولون‌دا ایر‌لیله‌مک اورک ایشی‌دیر، عقل ایشی دئییل.

*قاپیمیزا دئییل ؛ اورییمیزه ووران بویورسون !

*سئومه‌یه لاییق اولمایانی خاتیرلایاراق قیمت‌لی ائتمه! دؤنمک ایستییر، بیر شانس داها وئرمه. اونوتما؛ سئوگی اورک‌لی اولانا یاراشار.

* اوتونو، سویونو بیلمدیین کؤنوللرده قویون گودمه! یوخ‌سا، 'قاچیردیغین کئچیلره' چوبان‌لیق ائده بیلمزسه‌ن ...!

*دایاز سولاری ان یونگول کولکلر بئله جوش‌دورا بیلیر. درین دنیزلری ایسه آنجاق درین سئودالار. آنلادیم کی، درین و اسرارنگیز اولان هر شئی سوسور. آنلادیم کی سوسان هر شئی درین و هئیبت‌لی‌دیر.

* دئییرلر کی، دوست آجی سؤیلیر؟ آغرینی سؤیله‌یه‌نه دوست دئییلمز کی. !سئنی سئومه‌یه‌ن آجی سؤیلیر. دوستون سنه سؤیلیجیی آجی دا اولسا سنین جانینی آغریتمایاجاق شکیل‌ده شیرین دیلله سؤیلیر.

* ائی عشق! سنی ایللرجه چؤلللرده، دیللرده آختاردیم. هالبوکی مندیمیش‌سه‌ن بیلممیشه‌م.

* یولون اوجونون هارا چاتاجاغینی دوشونمک بیر سی‌دن عبارت‌دیر. سن یالنیز آتاجاغین ایلک آددی‌می دوشونمه‌لی‌سه‌ن. سونراسی اونسوز دا اؤزباشینا گلیر.

*صبر ائتمک ائل‌جه دایانیب گؤزله‌مک دئییل، ایر‌لی فیکیرلی اولماق دئمک‌دیر. صبیر ندیر؟ تیکانا باخیب گولو، گئجه‌یه باخیب گوندوزو تخییول ائده بیلمک‌دیر. الله آشیقلری صبری گئلمشکر کیمی شیرین شیرین امر، هزم ائدر. و بیلرلر کی، گؤی‌ده‌کی آیین آیپارادان بوتؤو آیا چاتماسی اوچون زامان لازیم‌دیر.

* اورک روحا دئیر کی :من سئوره‌م، آشیق اولارام؛ اما آغری‌سینی ندن‌سه همیشه سن چکرسه‌ن. روح دا جاواب وئرر : سن یئتئرکی سئو..

*اورک‌دیرمی اینسانا سئو دئیه‌ن یوخ‌سا تک‌لیک‌دیرمی قیزیش‌دیران؟ دوغرودان ندیر سئومک؛ بیر شاما آتش اولماق‌می، یوخ‌سا یانان آتشه توخونماق‌می؟

* بعضی‌سی گلرکه‌ن، بعضی‌سی ده گئدرکه‌ن کؤنول آچیق‌لیغی وئرر. دقت یئتیر و یاخشی باخ کی، سن‌ده‌کی بو کؤنول آچیق‌لیغی گئدرکه‌ن‌می یوخ‌سا گلرکه‌ن‌می میدانا چیخیر؟

*سؤیلدیکلریمین هامی‌سین‌دان ایمتینا ائتدیم، پئشمان اولدوم. چونکی نه سؤزده معنا، نه ده معنا دا سؤز قال‌دی.

* نه دئیه لووغالانیب بؤیوک‌لنیرسن. دوغومون بیر داملا سو، اؤلومون بیر اوووج تورپاق دئییل‌می؟

* بیر آدام الله‌دان باشقا کیم‌سه‌یه احتیاجی اولمادیغینا اینان‌سا الله دا اونو باشقاسینا مؤهتاج ائتمز.

*موسیقینین ریتمین‌ده بیر سیرر گیزلی‌دیر؛ اگر اونو ایفشا ائتسیدیم دونیا آلت-اوست اولاردی.