Axar.az
یوخاری


چوخلار اینجیکدی کی، سن اونلارا ناز ائیله‌میسن- شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ اوستاد شهریارین "ناز ائیله‌میسن" آدلی شعیرینی تقدیم ائدیر:

چوخلار اینجیکدی کی، سن اونلارا ناز ائیله‌میسن،

من ده اینجیک کی، منیم نازیمی آز ائیله‌میسن.

ائتمی‌سن بو نازی ویرانه کؤنولده سلطان،

ائوین آباد اولا - درویشه نیاز ائیله‌میسن.

هر باخیش‌دا چالیسان کیپریی میضراب کیمی،

بیر قولاق وئر، بو سینیق کؤنلو نه ساز ائیله‌میسن.

باش‌دان آچ یایلیغی، افشان ائله سوسن-سونبول،

سن بیزیم بایرامیمیزسان، قیشی یاز ائیله‌میسن.

کاکیلی باش‌دا ووروب ائیله‌میسن تاج کیمی،

او قیزیل تئل‌دن اونو گوللو قوتاز ائیله‌می‌سه‌ن.

سن گون اول، قوی قمیمیز داغ‌دا قار اولسون، اری‌سین،

منیم آنجاق ایشی‌می سوزو گوداز ائیله‌میسن.

سینه بیر دشتی-مغان‌دیر، قوزو یان-یانه یاتوب،

منیم آغلار گؤزومو اوردا آراز ائیله‌میسن.

خط خالین‌دان آلیب مشقیمی "قوران" یازارام،

بو حقیقت‌ده منی اهلی-مجاز ائیله‌میسن.

دستماز ائیلدیین چشمه مسلمان قانی‌دیر،

بیلمیرم هان‌سی کلیسادا نماز ائیله‌میسن.

بو گؤزل‌لیک کی، جهان‌دا سنه وئرمیش تانری،

هر قدر ناز ائلسه‌ن ائیله کی، آز ائیله‌میسن.

من "عشیران" اوخوسام، پنجه "عراق" اوسته گزر،

گؤزلیم، تورک اولالی ترکی-"حیجاز" ائیله‌میسن.

من بو معنادا غزل یازماغا حالیم یوخ ایدی،

سن منیمتک قوجانی فیرفیراباز ائیله‌مین.

منی بو سوز ایله آتدین، آرالاندین، بیلیرم،

آرانی بیر پارا نامرد ایله ساز ائیله‌میسن،

ای دان اولدوز، منی سن یاخشی تانیرسان کی، سحر

اوفوقو خلوت ائدیب رازو نیاز ائیله‌میسن.

شهریار داردا قالیب، داغدا داشا دالدالانیب،

اؤزون اینصاف ائله، محمودی آیاز ائیله‌میسن.

تاریخ
2020.02.24 / 20:44
مولف
آینورا مممدووا
شرح لر
دیگر خبرلر

اوچ سوال، بیر جاواب... - مؤولانا

آلا قارغا ایله قارا قارغا دوست اولا بیلرمی؟ - حکایه

شئعرله بوی آتان فیدانلار

یاپیش اللریمدن، لاپدا زنجیر اول- شئیر

عشق‌سیز، ای دونیا، ندیر دیرین؟!- شعر

سوزمیی کیم‌دن اؤیرندین؟- شعر

بو کرونانی دا دییه‌سن قدرت کور ائله‌ییب، سانکی...- حکایه‌

آزاد بیر قوشدوم- شئیر- ویدئو

بیر لاله عذار اولماسا من نئیله یه بیللم - شعیر

عاشیقین غملی گؤروب نازایله جانان اوخوسون- غزل

خبر خطّی
 
Axar.az'da reklam Bağla
Reklam
Bize yazin Bağla