آنا صحیفه ادبیات |
کولت. آذ واله محرملینین "نوروز گلدی، یاز گلدی" آدلی شعیرینی تقدیم ائدیر:
کولکلر قوودوقجا دومانی-چنی،
یاشیللیق بورویور چؤلو-چمنی.
سوفرهیه یاراشیق دورلو سمنی،
بادام چیچکلردن قورشایاراق زر،
بیزه گتیرمکده نوروزدان خبر.
بؤیوک تمطراق هر ائوده-ائشیکده،
آب-هاوا دییشیب درهده-دیکده،
قورار یوواسینی شاناپیپیک ده،
قارانقوش سوزمیی روان ائیلیر،
آلچاقدان اوچاراق جولان ائیلیر.
یالانچی چرشنبه پلانلارینی،
قوروب، یایماقدادی یالانلارینی…
توولاییب فیلانکس-فیلانلارینی،
نوروزو شاشیردیب آزدیرماقدایدی،
یالانی تاریخه یازدیرماقدایدی.
یئل اودو جوشدوردو، اود جوشا گلدی،
سو اودو سؤندوردو، توستو یوکسلدی،
هر اوچو توپاغین باغرینی دلدی،
دؤرد عنصر یاراتدی بوتؤولوک، وحدت،
بوندان دا جوجردی نووروز، نهایت.
گؤیه بولند اولدو اود دا، آتش ده،
تورپاق محصول وئردی، گئتدی گذشته،
اکواتور خطینی کئچدی گونش ده،
چیللهلر-چتینلیک تمام سوووشدو،
نووروزلو یئنی گون بیزه قوووشدو.
تاریخ
2022.12.06 / 15:39
|
مولف
Axar.az
|