کولت. آز روسته‌م بئهرودینین "اومیدیم وار" آدلی شئیرینی تقدیم ائدیر:

اسیر باشیم اوست‌دن باهار یئللری.

کئچیر اورییم‌دن آرزو سئللری...

کؤنلوم‌ده ایلاهی بیر سس دیل‌لنیر:

- منیم گؤیرمه‌یه بیر اومیدیم وار.

اورک قیلینج چکیر قیشینا بیر ده،

چتین بو سئودادان داشینا بیر ده،

قاییدیب اون دوققوز یاشینا بیر ده

منیم گؤیرمه‌یه بیر اومیدیم وار.

بو دونیا علی‌می سیخ‌دی، سیخمادی،

بو تالئ سونوما چیخ‌دی، چیخمادی،

یازینا، قیشینا باخ‌دی، باخمادی،

منیم گؤیرمه‌یه بیر اومیدیم وار.

دؤی‌دو یاز گونون‌ده خزانلار منی،

یازدی داش اوستونه یازانلار منی، -

چالیب چاغیراجاق اوزانلار منی،

منیم گؤیرمه‌یه بیر اومیدیم وار.

آخیر داماریم‌دا ایشیق‌لی بیر قم،

بیر سیرلی-سئهرلی اود ایچین‌ده‌یه‌م.

عشقین "منسورییه" زیروه‌سین‌ده‌یه‌م،

منیم گؤیرمه‌یه بیر اومیدیم وار!..