Kult.az سیاووش سرخانلینین "قاییت عمرومه سن..." آدلی شعیرینی تقدیم ائدیر:

دقت هدفی‌سن هله چوخونون،
ائله کی، بو قایغی بئزدیرر سنی –
حیات یئنه آلار دالغالارینا
باش‌سیز قاییق کیمی گزدیرر سنی.

بودره‌یه-بودره‌یه کئچیب گلدیین
بو ایری یوللاردان دویدوغون زامان –
یاتان اوریینی آییلدا بیلسه‌ن
کوسولو ایللرین تورانلیغیندان –
سییریلیب گون کیمی، چیخیب گون کیمی
اصیل بایرام کیمو، توی-دویون کیمی
قاییت عمرومه سن! –
قاییدا بیلسه‌ن!

آنا حسرتینله کؤرپه قوزو تک
گؤروش یوللاریندا آیاق دؤیورسه‌ن.
سویویوب سولوخان قوتوب اولدوزو تک
اوزومه الاج‌سیز گولومسییرسن.
منه بو اوزاق‌لیق – ایللی-عصرلی!
منه بو سویوقلوق – قیلینج کسرلی!
گونش اول – من ایشیق آرزولاییرام،
عمرومه یاراشیق آرزولاییرام.
اگر نفسینله ایسیدیب منی،
دونان اورییمی اویادا بیلسه‌ن –
اود کیمی، نور کیمی، حرارت کیمی
محبت آدلانان جسارت کیمی
اوولکی اورکله، اوولکی قمله،
اولکی سیرر دولو شیرین عالمله
قاییت عمرومه سن! –
قای‌دا بیلسه‌ن!

اؤتری بولودتک دولماغا نه وار،
عؤمور ایستییرم گورشادلا یاغسین.
دونیادا آرخاسیز قالماغا نه وار –
هئچ کس محبت‌دن یئتیم قالماسین!

نغمه آپارمیسان اؤزونله بیرگه –
اؤمروم سس‌سیز غالیب، صداسیز قالیب.
دنیز آپارمیسان گؤزونله بیرگه –
اورییم توفانسیز، دالغاسیز قالیب.
بیر ایبلیس قانیما یامان گیریب‌دیر،
چئشمه اورییمی لیللندیریب‌دیر.
نلر چکممیشه‌م بو یولدا، بیلسه‌ن...
آغری-آجیلاری اونوتدورماغا،
ایکیمیز ایستی بیر یووا قورماقغا
چیخیم یوللارینا سنه توش کیمی –
هارداسان؟
قانادلان قارانقوش کیمی
قاییت عمرومه سن! –
قاییدا بیلسن!