یوخاری

اینسان حیاتینی دییشه‌ن ۱۰ کیتاب

آنا صحیفه ادبیات
12 Punto 14 Punto 16 Punto 18 Punto

اورخان پاموکون "یئنی حیات" رومانی بئله باشلاییر: "بیر کیتاب اوخودوم، حیاتیم دییشدی". ائله اثرلر وار کی، اونلاری اوخوساق، دونیایا باخیشیمیز، حیاتیمیز دییشر. معاصر اینسان اوچون بو اثرلری اوخوماق اولدوقجا واجیب‌دیر. بو اثرلرسیز حیات داها آمان‌سیز، داها سیخیجی، داها قددار اولاردی.

کولت. آز حیاتیمیزی دییشه‌ن ۱۰ اثری تقدیم ائدیر.

"۱۰۰ ایلین تنهالیغی"، قابریئل قارسییا مارکئس

"یوز ایلین تنهالیغی" رومانین‌دا بوئن‌دیا نسلینین یارانماسی، یوکسلیشی، قوروبو و محوی عکس ائتدیریلمیش‌دیر. بو نسلین تاریخی - هر بیر بوئن‌دیا عضوونون تالعین‌ده بو و یا دیگر شکیل‌ده تظاهر ائد‌ن تنهالیق حکایهی‌دیر. تنهالیق، عائله عضولرینین بیر-بیرین‌دن آرالی دوشمه‌سی، اونلارین بیر-بیرینی آنلایا بیلمه‌مه‌لری رومان‌دا، حقیقتا، میفیک کاراکتئر داشیییر...

بو اثری اوخویوب بو بؤیوک دونیادا نه قدر تنها اولدوغوموزو آنلایاجاغیق.

"پیشیک بئشیی"، کورت ووننئهوت

"پیشیک بئشیی" رومانی ان مشهور آنتی‌وتوپیک اثرلردن‌دیر. آتوم بوبمباسی حاقین‌دا کیتاب یازماق ایسته‌یه‌ن جون ماتئریال توپلاماق اوچون آتوم بومباسینین یارادیلماسین‌دا ایشتیراک ائتمیش فئلیکس هوننیکئرین ۳ اوشاغینا مکتوب یوللاییر. سونراکی حادثه‌لر کاریب دنیزین‌ده یئرلشه‌ن بالاجا سان-لورئنسو آداسین‌دا داوام ائدیر. "پیشیک بئشیی" بیر اوشاق اویونونون آدی‌دیر. بو اویون‌دا ایپ موختلیف کومبیناسییالاردا بارماقلارا دولانیر.

پارودییا اوسلوبون‌دا یازیلمیش اثر تئز-تئز بیزی گول‌دورسه ده، داها چوخ دوشونمه‌یه وادار ائدیر. اثرین قالدیردیغی پروبلئملر او قدر چوخ‌دور کی، دوشونمه‌یه واخت تاپمیرسان. اوخو زامانی حادثه‌لر کولئیدوسکوپو وادار کی، موتالیه‌نی یاریمچیق ساخلاییب اؤزوموزه سوال وئرک: "ایندیجه نه اوخودوم؟" بیر مدت سونرا اثرین ایکینجی اوخونوشون‌دا ایسه اثر سیزه تامامیله باشقا بیر تسسورات یاراداجاق، اثرین بوتون منزره‌سی گؤزلرینیز اؤنون‌ده جان‌لاناجاق.

"الویداع، سلاح"، ائرنئست هئمینقوئی

"الیواداع، سلاح" بیر "ایتیریلمیش نسیل" نماینده‌سینین بیرینجی دونیا محاربه‌سی حاقین‌دا ایلک اوغورلو اثری‌دیر. کیتاب محاربه حاقین‌دادیر. بورادا سادلؤح اوغلانلار دؤیوشه گئدیب قوربانا چئوریلیرلر. بو اثرده محبت یالنیز بیر آن سورور، نه کئچمیشی وار، نه گلجیی. بو اثر اونوتماق ایسته‌ییب، اما هئچ واخت اونودا بیلمدیین محاربه حاقین‌دادی.

"میلچکلرین تانری‌سی"، اویلیام قولدینق

اثر ۱۹۵۴ -جو ایلده یازیلیب. ایکینجی دونیا محاربه‌سین‌دن سونرا نووه قورخوسو ارفه‌سین‌دن بحث ائدیر. اثر اینسانلارین منشیین‌ده‌کی وحشی‌لیک‌دن صحبت آچیر. رومان محاربه ایله اوز-اوزه قالمیش دونیامیزین آللئقوریک اوبرازی‌دیر. بو دهشت‌لی اثری اوخوماق واجیب‌دیر، ان آزی بو جور دونیادا یاشاماماق اوچون.

"میلچکلرین تانری‌سی" گنجلرین بیر آدایا دوشمه‌سی ایله باشلاییر.

"چاپایئو و پوستوتا"، ویکتور پئلئوین

بو اثر دونیا ادبیاتینا حادثه‌لرین موطلق بوشلوق‌دا باش وئردیی ایلک اثردیر. حقیقت‌ده حادثه‌لر گاه ۱۹۱۹-جو ایلده چاپایئوین دیویزییاسین‌دا، گاه دا معاصر گونوموزده باش وئریر. اثرین باش قهره‌مانی ایسه شاعر پیوتر پوستوتادیر. پسیخی تراوما یاشایان پوستوتا چاپایئوین دؤورونه دوشور و بو قیرمیزی دؤیوش‌چودن موطلق بوشلوغون سیررینی اؤیرنیر.

"دؤیوش‌چو کلوبو"، چاک پالانیک

بو رومان اؤت‌ن عصرین ۹۰-جی ایللرین‌ده یازیلمیش ان یاخشی، ان قالماقال‌لی اثرلردن‌دیر. ایستهلاک‌چی جمعیت‌دن و آمریکا مدنیتین‌ده‌کی مردلیک آنلاییشینین دییشمه‌سین‌دن گئتدیکجه داها چوخ ناراضی قالان باش قهر‌مان بو دوروملا موباریزه آپارماق قرارینا گلیر. بونون اوچون رادیکال پسیخوتئراپییا یولونو سئچه‌رک گیزلی دؤیوشچو کلوبو یارادیر.

"فارنهایتله ۴۵۱ درجه"، رئی دوقلاس برئدبئری

ایستئهلاک جمعیتینین تنقی‌دی حاقین‌دا آمان‌سیز کیتاب. آرتیق رومان صحیفه‌لرین‌ده بحث ائدیله‌ن او آرزوولونماز دونیایا یاخینلاشدیغیمیز اوچون بو کیتاب ۲۱-جی عصرین هر بیر اوخوجوسونون ایستولوستو کیتابی اولمالی‌دیر.

رومانین آدی ورقین اؤز-اؤزونه آلیشدیغی تئمپئراتورا ایشاره‌دیر.

"بولبولو اؤلدورمک"، هارپئر لی

کیتاب قارا دری‌لی بیر اینسانین زورلاما اتهامی ایله تقصیرلی بیلینمه‌سین‌دن بحث ائدیر. بون‌دان باشقا کیتاب‌دا کیچیک بیر ویلایت‌ده اینانج و ویجدانلا باغلی حؤکملرین نئجه وئریلدیین‌دن بحث اولونور. سؤزو گئدن کیتاب، ۱۹۶۰-جی ایللرین ان چوخ ساتیلان کیتابی اولموش‌دور.

اثرین سونون‌دا گؤروروک کی، خئییرخواه‌لیق اینسانین دری‌سینین رنگین‌دن و سوسیال وضعیتین‌دن، اجتماعی ری‌دن آسی‌لی دئییل. بو آدامین اوریینه باغلی بیر ایشدیر.

"مارتین ایدئن"، جئک لوندون

اثر مارتینین کوچه دؤیوشون‌ده گنج اوغلانی خلاص ائتمه‌سی ایله باشلاییر. سونرا اوغلانین عائله‌سی ایله تانیش اولان مارتین اونون باجی‌سی روفا دلیجه‌سینه آشیق اولور. اما قلبی ماددیاتین آغیر قیفیللاری ایله باغلی اولان قیز مارتینه اوز چئویریر. روفون قلبینه حاکم اولماغا چالیشان مارتین فیلوسوفلاری اوخوماغا باشلاییر، قرامماتیکانی اؤیرنیر. مهرومیتلره باخمایاراق یازیر، یازیر، یازیر.

او، آمئریکانین ان مشهور یازی‌چیلارین‌دان بیری اولان‌دا ایسه جان آتدغی حیات، حتی اونون آیاقلارینا ساریلماغا حاضر اولان روف دا هئچ بیر اهمیت کسب ائتمیر. باخ او زامان مارتین بیر گمییه مینیر و اوکئانین اورتاسین‌دا کایوتون ایلومیناتورون‌دان اؤزونو آتیر.

"دون خوانین تعلیمی"، کارلوس کاستانئ‌دا

کارلوس کاستانه‌‌دانین معلمی ماق خوان ماتوسون اقی‌ده‌سینه گؤره ۱۰ مین ایل اول یئنی دونیادا یاشایان اینسانلار کایناتی درین‌دن اؤیرنمیش و درک ائتمیش‌دیلر. معاصر اینسان اونلارین گئرچک گوجونون جزعی بیر حیسه‌سینی ده تسووور ائده بیلمز. بو کیتابین صحیفه‌لرین‌ده مؤلف قدیم مئکسیکا شامانلارینین سیرلرینی آچیر.

تاریخ
2020.05.20 / 20:25
مولف
Axar.az
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla