کولت. آذ داها بیر سئوگی شعرینی دیرلی اوخوجولار اوچون تقدیم ائدیر:

یئنه سنین نغمه‌ن‌دیر، سس‌لنیر اوتاغیم‌دا ..

سانکی سئومک ایسدییر، ایکیمیزین یئرینه.
قورخودان اؤلن سئوگی، ائله اؤلسه یاخشی‌دیر!
اورک اوخوسون گرک سسیمیزین یئرینه.

اؤز یئرینه سئومیی باجارمایان وفاسیز.
سن نئجه سئوه‌جکسه‌ن ایکیمیزین یئرینه؟!
ده کیم‌دیر ایندی، بختین آچیلان گولو؟
ایندی کیم اؤلمه‌لی‌دیر؟ بیریمیزین یئرینه..

منی سن اؤلدورموسه‌ن، نه تئز یادیننان چیخیب؟
داها اؤله بیلمره‌م، ایکیمیزین یئرینه.
سئویرم سؤیله‌مکله سئوگی کاما یئتیشمز،
عملین یوخسا اگر، سؤزوموزون یئرینه.

سن گئت یاشا وفاسیز!.. بو سئوگی سن‌لیک دئییل.
آرتیق چوخ گئجیکمی‌سه‌ن، ایکیمیزین یئرینه..
یوخ اگر واختین وارسا، گل گؤروشک بو گئجه..!
سحر ایکیمیز اؤلک.. بیریمیزین یئرینه