کولت. آذ رامیز رؤوش‌نین "دونیا قفیل ایشیقلانسا..." آدلی شعیرینی تقدیم ائدیر:

قفیل گون دوغسا بیر گئجه،
دونیا دوم آغ ایشیقلان‌سا؛
شهر-شهر، کوچه-کوچه،
اوتاق-اوتاق ایشیقلانسا،
گؤرریک کیملرین علی
کیملرین جیبین‌دن چیخیر.
کیملر اییله-اییله
کیملرین ائوین‌دن چیخیر.
قفیل گون دوغ‌سا بیر گئجه،
مین-مین گیزلی گوناه گؤرسک،
اوستونو اؤرته بیلمه‌سه،
بو دونیانی چیلپاق گؤرسک،
باشیمیزا هاوا گلر،
آغلیمیز چاشار بلکه ده.
هامی بیردن باش گؤتوروب
دونیادان قاچار بلکه ده.
بو دونیادا بس کیم قالار،
کیم بؤیودر، اوشاقلاری؟!.
...نه یاخشی کی، بو دونیامیز
یاواش-یاواش ایشیق‌لانیر...