یوخاری

سککیز اوجلو شو یولدوز دا سککیز هرلی اود یوردو- شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ جعفر جبارلینین "آذربایجان بایراغینا" آدلی شعیرینی تقدیم ائدیر:

بوراخینیز، سئیر ائدییم، دوشونییم، اوخشایاییم،
شو سئویم‌لی اوچ بویالی، اوچ معنالی بایراغی.
ملکلرین قانادیمی اوزریمه کؤلگه سالان؟
نه ایمیش بو، آمان الله؟! اود یوردونون یارپاغی!
گؤی یارپاق‌لی، آل چیچک‌لی یاشیل اوتلار توپاسی‌می؟
خاییر، خاییر؟ چیچک سولور، اوتلار یئرده تاپدانیر.
فقط بیزیم بایراغیمیز اوجالاری پک سئویور،
یولدوزلاردان حیلال‌دان دا یوکسکلرده فیرلانییور.
کؤلگه‌سین‌ده آی اییلیب بیر گؤزه‌لی قوجمادا.
قوجاشاراق سئودییله یوکسکلره اوچمادا،
شو گؤرونوش بیر آنانین شفقتینه اوخشایور.
دوشوندوکجه زؤوقلریمی، ویجدانی‌می اوخشایور.
بو آی، ییلدیز، بویالارین قورولتایی نه دئمک؟
بیزجه بؤیله سؤیله‌مک!
بو گؤی بویا گؤی موغول‌دان قالمیش بیر تورک نیشانی،
بیر تورک اوغلو اولمالی!
یاشیل بویا ایسلاملیغین سارسیلمایان ایمانی،
اورکلره دولمالی!
شو آل بویا آزادلیغین، تجددودون فرمانی،
مدنیت بولمالی.
سککیز اوجلو شو یولدوز دا سککیز هرلی اود یوردو
اسارتین گئجه‌سین‌دن فلیرست بولموش قوش کیبی،
سحرلره اوچموش‌دور
شو حیلال دا تورک بیلگی‌سی، دوزگون سئوگی نیشانی،
یوردوموزو قوجموش‌دور!
الله، عمللریم ائدیب شو بایراغی اینتیقال،
بیرر-بیرر دوغرو اولموش، بیر آد آلمیش: ایستیقلال!
یورییم‌ده بیر دیلک وار، او دا دوغرو کسیل‌سین،
او گون اولسون بیر گؤی بای‌راق توران اوسته آچیل‌سین...

تاریخ
2020.05.28 / 19:58
مولف
Axar.az
شرح لر
دیگر خبرلر

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

آمریکا-دا حسین جاویدین آنیم گونو اعلان اولوندو

چیخیم یوللارینا سنه توش کیمی- شعیر

آنامین بوُینوندان آخان قانلا منیم گؤز یاشلاریم ...

گول آخشام دیر بولود آغلیر گوی اوستونده - شعیر

خبر خطّی
Axar.az'da reklam Bağla
Reklam
Bize yazin Bağla