Kult.az محمد فضولینین غزلینی تقدیم ائدیر:

شفای-وصل قدرین هیجر ایله بیمار اولان‌دان سور،
زولالی-زؤوق شؤوقون تشنه‌ای-دیدار اولان‌دان سور.
لبین سیررین گلیب گفتاره، من‌دن اؤزگه‌دن سورما،
بو پنهان نکته‌نی بیر واقیفی-اسرار اولان‌دان سور.
گؤزو یاش‌لیلارین حالین نه بیل‌سین مردم غافیل،
کواکیب سئیرینی شب تا سحر بیدار اولان‌دان سور.
خبرسیز اولما فتتان گؤزلرین جؤورون چکه‌نلردن،
خبرسیز مستلر بیدادینی هوشیار اولان‌دان سور.
غمین‌دن شمع تک یاندیم، صبادن سورما احوالیم،
بو احوالی شبی-هیجران منیمله یار اولان‌دان سور.
خراب جام عشقم، نرگیسی-مستین بیلیر حالیم،
خرابات اهلینین حالینی بیر خومار اولان‌دان سور.
محبت لذتین‌دن بیخبردیر زاهید غافیل،
فضولی، عشق زؤوقون، زؤوقی-عشقی وار اولان‌دان سور.