«ادبیات آگنتلری اوچون بلدچی» بلوقونون و «writersdigest.com»-اون یازاری چاک سامبوچینو یازاجاق حکایه‌لری اولانلار اوچون بیر نئچه اصول پایلاشیب.

Kult.az هر کسین ایستیفاده ائده بیلجیی ۷ اصولو تقدیم ائدیر:

۱. ان چوخ اوخوماق ایستدیینیز حکایه‌نی یازین. اصلا «بو حکایه بستسلر اولار» دئیه دوشوندویونوز، یا دا سیزه فخر گتیرجیی قناعتین‌ده اولدوغونوز بیر حکایه‌نی قله‌مه آلمایین. اؤز سئویم‌لی کیتابلارینیزی، اونوتمادیغینیز حکایه‌لری دوشونون. اونلاری دوشونون دئمک او دئمک دئییل کی، سیز اونلاردان یولا چیخیب تاریخی و رومانتیک بیر ادبی نمونه یاراتمالیسینیز. اولا بیلر کی، سئویملی اثر و یا حکایه سئودیینیز ژانردا اولماسین، اما سیز اوردا خصوصی بیر صورته، کاراکتره، هان‌سیسا بیر حادثه‌یه، حادثه‌لرین بیتمه‌سینه وورولموسونوز. اودور کی، سئودیینیز شئیلردن یازین. بیر یاخشی‌لیق ائدین – بوتون شدت‌لی آرزولارینیزی، اوریینیزین ریتمینی سرعتله‌ن‌دیره‌ن، سیزی گئجه یاری‌سی یوخودان اویادان چیلغین ایدئیالارینیزین سیاهی‌سینی توتون. هر گون یازدیقلارینیزا قیغیلجیم اولماسی اوچون بو سیاهینی ایستولونوزون اوستون‌ده، گؤز اؤنونده ساخلایین و اوندان بلدچی کیمی یارارلانین.

۲. صورعتله باشلایین. یاراتدیغینیز کاراکترین قصورلو و اینادیریجی اولماسینا چالیشین. اونا نفس و حیات وئرین، سیزی تعجبلندیرمه‌سی و حکایه‌نیزی هئچ گؤزلمدیینیز اینانیلماز یئرلره آپارا بیلمه‌سی اوچون اونا آزادلیق وئرین. اگر حکایه‌نیزین قهرمانی سیزی تعجبلندیره بیلمیرسه، امین اولون کی، او اوخوجولارینیز اوچون ده سیرادان گؤرسه‌نه‌جک. اؤزومون چوخ تئز-تئز ائتدییم بیر اصولو مصلحت بیلیرم، من یاراتدیغیم کاراکترین سیرلر، گیزلی شئیلر دانیشماسینی طلب ائدیره‌م. قلمینیزی گؤتورون و آغ بیر ورقده «من هئچ واخت هئچ کیمه دئممیشه‌م کی...» جمله‌سی ایله باشلایین و بوردان یولا چیخین، کاراکترینیزین سسینی ائشیتمه‌یه چالیشین.

۳. قهرمانینیزا حل ائدیله‌جک ماراقلی، جلب ائدیجی بیر پروبلم وئرین. قهرمانینیزین اذیت وئرن، اونون آرادان قالدیرماغا چالیشاجاغی، اونو ایر‌لیله‌ده‌جک مسئله‌لری اولمالی‌دیر. هر حکایه‌نین اوریی کونفلیکت‌دیر – داخی‌لی و یا خاریجی اولماسینین فرقی یوخدور، یاخشی بیر کنفلیکت یاراتماغا چالیشین. اونوتمایین کی، بو کونفلیکت، پروبلم سیزین قهرمانینیزی دا جیزگیلییر، سرحدلرینی تعیین ائدیر، اونو فورمالاشدیریر.

۴. حادثه‌لر یارادین. اولا بیلر کی، دونیادا یارادیلا بیله‌جک ان محتشم قهرمانلاری یارادیر، اونلاری مکمل شکیلده تصویر ائدیر، حیات وئریرسینیز، اما نتیجه گؤزلدیینیز کیمی اولمور، حکایه اونا وئردیینیز اوزو تئزلیکله ایتیریر. کیتابلاریمدا من بیر شئی‌دن آددیم باشی امین اولماغا چالیشیرام، هر صحنه‌ده باش وئرن حادثه سوژئته یئنی بیر دتال قازاندیریر. اگر گؤرورمسه، یاراتدیغیم صحنه سوژتین جانلی داواملیلیغینی تعمین ائده بیلمیر و اونون ایر‌لیله‌مه‌سینه کؤمک ائتمیر، همین صحنه‌نی کسیرم، نه قدر تأثیرلی و گوجلو اولورسا-اولسون. رداکته ائدرکه‌ن ده من صحنه-صحنه ایرلیلییرم و هر صحنه اوچون بیر سؤز جمله قید ائدیره‌م. رداکته بیتنده منیم الیم‌ده حکایه‌مین سکلتی اولور. نتیجه و پروسس سیزه آسان‌لیقلا نئجه بیر حکایه یازدیغینیزی دئیه بیلر، هجوملار و قفیل دؤنوشلر، حادثه‌لری ایر‌لی سوروکله‌مه‌یه‌ن صحنه‌لر ساده‌جه اؤز چکیسینی یوخ، اثرین ده چکیسینی آزالدیر.

۵. ایناندیریجی اولماسینی تعمین ائدین. بلی، دئیه بیلرسینیز کی، آخی، چوخ زامان روحلار، افسانه‌لرله بزکلی حکایه‌لر یازیرسینیز، بو نئجه ایناندیریجی اولا بیلر؟ اولا بیلر، اگر بو شرطی بوتون کیتاب اوچون تعمین ائده بیلسه‌نیز. «سؤز وئریرم»-ده من روح اوچون قایدالارلا باشلادیم، او نلری ائده بیلر، نلری ائده بیلمز. اونا بیر حکایه و منه گئری دؤنمه‌سی اوچون سبب وئردیم. اوخوجولار اوجوز اویونلارا نیفرت ائدیر. حکایه‌نین سونونا پروبلملرین چؤزولمه‌سینه کمک ائد‌ن یئنی قهرمان گتیرمیین. پیس و یا یاخشی مسئله‌نی قهرمانین حل ائتمه‌سینی تعمین ائدین.

۶. حکایه‌نیزه یاپیشین. بوتون بیر پروسئس بویو سیز بلکه ده مین دفعه اونو بوراخماق، تامامیله صیفیرلاماق ایسته‌یه‌جکسینیز. ائتمیین! حکایه‌نیزی مطلق تماملایین. نه قدر چتین ده اولسا، ایکینجی دفعه ایشلیین. ان یاخشینی سرگیله‌مک اوچون بوتون باجاریغینیزی اورتایا قویون. اوندان یقین کی، ایمتینا ائد‌جکلر، ایمتینا ائدیلسه بئله سیز حکایه‌نیزی یئنه کیملره‌سه گؤندرمه‌یه داوام ائدین. عینی زاماندا باشقا بیرینی یازماغا باشلایین. سونرا باشقاسینی. اینانین منه هر دفعه داها یاخشی بیر نمونه اورتایا قویاجاقسینیز، هر دفعه داها یاخشی‌سینی یازاجاقسینیز. ایلک حکایه‌م چاپ اولونانا کیمی من دؤرد کیتاب یازمالی اولدوم، بو منیم یئددی ایلیمی آلدی. بو کله-کؤتورلو اوزون یولدور، اما حقیقتا سونوندا گؤرجکسینیز کی، بونا دیر.

۷. قایدالاردان ایمتینا ائدین (بو منیمکیلر ده اولا بیلر). هامییا مصلحت وئریلیر، نظریه‌لر اؤیردیلیر. کیمسه سیزی حمایه‌سی آلتینا آلماق ایستیر، کیمسه خصوصی بیر ژانردا فورمالاشدیرماق اوچون بیلدیی قایدالاری و یوللاری منیمسه‌ده بیلر. فیکریمجه، ایش او زامان داها مکمل بیر فورما آلیر کی، بیز بوتون بو بیزه عایید اولمایان شیلری آرخادا بوراخیریق و بیزیم دوغرو اولان تک شئی یازماغین اؤزو اولور.