1382 عرفه لرینده منه دئدیلر ساراب دوزونده بیر نفرین تویون 1315 اینجی ایلده میسکین اسد(19 اونجو عصرین سونوندا و 20 اینجی عصرین اوول لرینده مشگینده یاشامیش تورک شاعیر و آشیق)ائدیب و دئییرلر او تویدا فی البداهه تورکو شعر یازیب و اوخویورموش.

آتالار نئجه دئییب، یولچو یولوندا گرک

یولو الیمه و آیاغیما آلیب پیادا گئتددیم (یاییلاقلارا ماشین اولمور و اولسادا چتین گئدیر) سوروشا_سوروشا 12 ساعاتا گئدیب کند و اوبالارینا چاتددیم قاش قارالیردی و گون باتیردی، گوردوم اوقدر ترله میشم اصلا مناسب دئییرم. دوزدوم لاپ قارانلیق اولدو. یایلاغین ان سرین و سویوخ بولاغیندا بیر دوش توتوب. ال تیلفونوملا وئریلن شماریه زنگ آچدیم. قدیم ایکی اوتاق و دهلیزلری واریدی. کیشینین سرطان خسته لیگیندن دولایی دانیشما حالی قالمامیشدی. اوول لر بیراز احتیاطلا دانیشدیلار، اوقدر شعر اوخودوم اوغلو منله داها راحات دانیشدی.

دوزدور میسکین اسد نه اوخوموشدور او کیشین سینه سیده قبره گئتدی، آمما اوغلو منی آپاریب او بیری اوتاقدا بیر شکیل گوستریب ائله بیر سوز دئدی هله ده منی ائتگیلندیریر:

" او آسیلان شکیل سید جعفر پیشه وریدیر، آتام اونون فدایی دسته سیندن اولموشدور تا یورغان دوشگه دوشمه میشدی.(مریض)هر گون صوبح کیراوات ووروب و اؤزون عطیرلییب پیشه ورین اؤنونده اوتاقدا رژه گئدردی و سونرا عادی لیباسین گئییب ایشیلرینه باخاردی"