ايده آليسم بؤيوك بؤگوشچو (فيلسوف) گئورك ويلهلم فريدريش هگل دئيير:

"عقل ، اينسانى اؤزگورلوگه چاتديرماق ايچين، اينسانين دورتولرينى- ايستك لرينى- آراج كيمى قوللاناراق، بو يوْلدا ايكى ائتگن دن يارارلانير؛
١- اؤتَك بوْيو اوغورلو چيخيش ائدن بؤيوك ميللت- دئولت لر

٢- دَرين دَييشيك لر يارادان اؤتَك سَل بؤيوك شخصيت لر"

منجه چاغداش اؤته گيميز اولان-كئچن يوز ايل ده-گونئى آزربايجان تورك ميللتى، بيرده اونون ١٣٢٤ اونجو گونش ايلى- آزر آيينين ٢١ ينده - ياراتديغى ميللى حوكومت، تام آنلامدا بير ميللت-دئولت اولاراق، بيرده اونون باشچيليغيندا سيد جعفر پيشه ورى كيمى بير اؤتَك سَل شخصيت، بيزيم گله جكده اؤزگورلوگه چاتماغيميز ايچين سؤيكه نه بيله جه گيميز أن آغير تجربه، ائله جه اولوسلار آراسى تؤزَل باخيمدان ميللت اولاراق حاققيميزى ساوونا بيله جك بير اؤتَك سَل بلگه دير. آنجاق بو كَز قوراجاغيميز يئنى ميللت- دئولت توركلوك دوشونجه سينه آرخالاناراق يالنيز باغيمسيز آزربايجان چرچيوه سينده تانيملانا (تعريف له نه) بيلير.