زنگین طبیعته مالیک آذربایجان اراضیسینده 80 ـ ا یاخین داغ وار. 4466 م هوندولویه قدر اوجالان بازاردوزو زیروه سی آذربایجانین ان یوکسک نؤقطه سیدیر. اؤلکه اراضیسینین 60 فائزینی داغلیق اراضیلر توتور.

آخار.آذ آذربایجانین ان گؤزل 5 داغینی تقدیم ائدیر:

1. ایلان داغ

ایلان داغ ناخچیوان مختار رسپوبلیکاسینین جلفا رایونوندا یئرله شیر و هوندورلویو 2415 متردیر. قدیم افسانه یه گؤره، نوح پیغمبرین گمیسی یولدا گمی قایادان باشقا بیر داغین زیروه سینه ده توخونوب و اونو یاریب کئچرکن برک ییرغالانیب، بو زامان نوح پیغمبر دئییب: "اینان، داغدیر". تدقیقاتچیلار "ایلانداغ" آدینی بو افسانه ایله علاقه لندیریرلر.

2. شاه داغ

قوسار رایونو اراضیسینده یئرلشن بو داغین هوندورلویو 4243متردیر. تدقیقاتچیلارا گؤره، بو اوجا، هوندور داغ اولماسینا گؤره، شاه داغ، یعنی "داغلارین شاهی"، "ان یوکسیی" دئییلیب.

3. توفان داغ

باش قفقاز سیلسیله سینده یئرلشن بو داغین هوندورلویو 4205 متردیر. یئرلی اهالینین معلوماتینا گؤره، بو آد داغدا تئز ـ تئز شیدتلی کولک، چووغون، توفان قوپماسی ایله باغلیدیر.

4. کپز داغی

کپز داغی کیچیک قفقازدا، گؤی گؤل رایونو اراضیسینده، آغسو چایینین منبع یینده یئرلشیر. هوندورلویو 3066 متردیر. گوجلو زلزله لر نتیچه سینده کپزده بیر نئچه دفعه اوچقونلار اولوب. اوچقون ماتریاللاری آغسو چایینین مجراسینی کسه رک داغ گؤللری اولان گؤی گؤل و مارال گؤلؤعمله گتیریب.

5. بازار دوزو

بازار دوزو زیروه سی آذربایجانین ان هوندور نقطه سیدیر و هوندورلویو 4466 متردیر. بؤیوک قفقاز داغلارینین باش قفقاز سیلسیله سینده، روسیا فدراسییاسی ایله سرحدده، قوسار رایونو اراضیسینده یئرلشیر.