Axar.az
یوخاری


آستارادا اوچ عصره شاهیدلیک ائد‌ن ائو - فوتو

آنا صحیفه فوتو
12 Punto 14 Punto 16 Punto 18 Punto

آستارا رایونونون پنسر کندین‌ده اوچ عصره شاهیدلیک ائد‌ن ائوده‌ن بو گون ده یاشاییش ساحه‌سی کیمی ایستیفاده ائدیلیر.

Axar.az خبر وئریر کی، ۱۸۳۶-جی ایلده تالیش خانی میر مصطفی خانین باش وزیری اولموش میرزا خوداوئردیبی طرفین‌دن چی کرپیج‌دن اینشا ائدیلمیش بو ائو یئرلی اهمیت‌لی معمارلیق عابده‌سی کیمی ۴۰۹۸ اینوئنتار نؤمره‌سی ایله قئی‌ده آلینیب و قورونور.

میرزه خوداوئردیبیین اوغلو، دؤورونون تانینمیش ضیالی‌سی، دؤولت خادیمی و شاعر میرزا احمدین ۱۸۸۲-۱۸۸۳-جو ایللرده فارس دیلینده یازدیغی، تالیش خانلیغینین تاریخین‌دن بحث ائد‌ن «اخبرنامه» اثرینده آتاسی ایله باغلی خاطره‌لر، او جمله‌دن اونون تیکدیی ائو باره‌ده ده معلومات وئریلیر.

«اخبرنامه» اثری ۱۹۵۵-جی ایلده ایلک دفعه آذربایجان میللی علملر آکادئمییاسینین تاریخ اینستیتوتونون علمی ایشچیسی موسی عسگرلی طرفین‌دن فارس دیلیندن آذربایجان دیلینه ترجومه ائدیلسه ده نشر اولونماییب. ۱۹۷۵-جی ایلده تاریخ اینستیتوتونون علمی ایشچی‌سی علی حسین‌زاده طرفین‌دن «اخبرنامه» یئنی‌دن ترجمه ائدیله‌رک جمعی ۱۲۰ نوسخه‌ده چاپ ائدیلیب.

کیتابین مؤلفی میرزه احمدین ائوده یاشادیغی دؤورده «فؤوسول فوساها» ادبی مجلیسی ده فعالیت گؤستریب.

حاضردا بو قدیم ائوده میرزه خوداوئردیبیین نتیجه‌سی مممد احمدووون عائله‌سی یاشاییر. عائله‌نین باشچیسی ۲۰۰۲-جی ایلده وفات ائدیب. اونون حیات یولداشی نزاکت ماهمودووا ائوه گلدیی گونو خاطیرلایاراق دئییب: «۱۹۵۹-جو ایل سنتیابرین ۲۵-ده بو ائوه گلین گلمیشه‌م. بو ائوده سککیز اؤولاد بؤیوتموشه‌م - ۶ قیز و ۲ اوغلان. اؤولادلاریم‌دان دؤردو عالی تحصیل‌لی‌دیر. بو ائوده همیشه ضیالیلار یاشاییب. بو عنعنه بو گون ده داوام ائدیر».

نزاکت ننه دئییر کی، ائوه گلین کؤچه‌نده اوولکی تیکیلی اولدوغو کیمی ایدی. پئنسر چایینین داشماسی نتیجه‌سین‌ده ائوه جدی زیان دییب، ائوین بیر حیصه‌سی یارارسیز وضعیته دوشوب.

قدیم ائوده حاضردا نزاکت ننه ایله بیرلیک‌ده ایکی قیزی، اوغلو، گلینی و ایکی آزیاشلی نوه‌سی یاشاییر. ائو قزالی وضعیتین‌ده اولدوغوندان عائله عضولری هر سحری سکسکه ایله آچمالی اولورلار.

نزاکت ننه گیلئیی ایله برابر، آرزولارینی دا بیزیمله بؤلوش‌دو: «میرزا خوداوئردی و اونون اوغلو میرزا احمد یاشادیغی دؤورون تانینمیش ضیالی‌سی، دؤولت خادیملری اولوبلار. بو ائو اونلارین نیشانه‌سی‌دیر. یاخشی اولار کی، تاریخی عابده کیمی قورونان بو ائو اساس‌لی تمیر ائدیلسین، بورایا خاطره لوحه‌سی وورولسون، میرزاا خوداوئردینین و میرزا احمدین آدی ابدیلشدیریل‌سین، یاشادیقلاری پئنسر کندینین کوچه‌لرینه اونلارین آدلاری وئریلسین».

تاریخ
2020.03.31 / 16:37
مولف
آیتاج آراز
شرح لر
دیگر خبرلر

اردبیل اتنوگرافییا موزیی - فوتو

ایستی سویو، گؤزل منظره‌سی ایله گؤزوخشایان سرعینه - فوتو

دونیانین ۱ نفر ساکین‌دن عبارت اولان شهرلری-فوتو

آتاتورکه هدییه ائدیلن خالچانین سیرری - فوتو

بو کند گؤره‌نلری حیران ائدیر - فوتو

باکینین اسرارنگیز تاریخی عابده‌لری - فوتو

تبریزین تاریخه قوووشان ان قدیم ائولرین‌دن بیری-فوتو

قاراباغین محتشم یاز - فوتولاری

بیر شکلین تاریخچهی‌سی – کمکه اوزانان اللر...

قادینلارین ایلک بزک آلتی – داش دؤوروندن اوزو بری…

خبر خطّی
 
Axar.az'da reklam Bağla
Reklam
Bize yazin Bağla